الماتىدا قوعامدىق كولىكتەردەگى كامەرالاردىڭ كومەگىمەن قالتا ۇرلىعى ازايعان.
ساراپتاماعا سايكەس، 2022 جىلدىڭ قاڭتار ايىندا كۇن سايىن 80 ۇرلىق جاسالسا، سول جىلدىڭ جەلتوقسان ايىندا بۇل كورسەتكىش كۇنىنە 36 ۇرلىققا دەيىن تومەندەگەن، دەپ حابارلايدى Almaty-akshamy.kz Polisia.kz-كە سىلتەمە جاساپ.
«تىركەلگەن قىلمىستاردىڭ جالپى سانىندا بوتەننىڭ مۇلكىن ۇرلاۋدىڭ ۇلەسى 49،2%-دى قۇرايدى. بۇگىنگى كۇنى پاتەر ۇرلىعى (3،4%)، قالتا ۇرلىعى (4،2%)، اۆتوكولىك سالونىنان ۇرلىق (19،2%)، ءبۇيىر اينا ۇرلىعى (3،4%) جانە تاعى باسقا ۇرلىقتىڭ اشىلۋى جاقساردى. بۇل كورسەتكىشكە جەتۋ ۇرلىققا قارسى قۇرىلعان توپتاردىڭ جۇمىسىنىڭ ناتيجەسىندە، سونداي-اق قوعامدىق ورىنداردا دا، قوعامدىق كولىكتەردە دە بەينەباقىلاۋ كامەرالارىن ورناتۋدىڭ ارقاسىندا مۇمكىن بولدى»، – دەدى الماتى قالالىق پوليسيا دەپارتامەنتىنىڭ باستىعى ارىستانعاني زاپپاروۆ.