زاڭعا سايكەس، كوندومينيۋم وبەكتىسىن باسقارۋدىڭ جەكە نىسانىن ەنگىزۋ جوسپارلانىپ وتىر.
سەنات "قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ۇي-كوممۋنالدىق شارۋاشىلىق ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭدى قابىلدادى، دەپ حابارلايدى Almaty-akshamy.kz
زاڭعا سايكەس، كوندومينيۋم وبەكتىسىن باسقارۋدىڭ جەكە نىسانىن ەنگىزۋ جوسپارلانىپ وتىر. تىكەلەي بىرلەسىپ باسقارۋ تەتىگى پاتەرلەر سانى ون التىدان اسپايتىن تۇرعىن ۇيگە قاتىستى قولدانىلادى. جاي سەرىكتەستىك قۇرۋ ءۇشىن دە پاتەرلەر سانى قىسقارتىلادى. ونداي باسقارۋ جۇيەسىن وتىز پاتەردەن اسپايتىن تۇرعىن ۇيلەردە قولدانۋعا بولادى. ال قالعان كوپ پاتەرلى تۇرعىن ۇيلەردە مەنشىك يەلەرى بىرلەستىگى قۇرىلۋى شارت.
تۇرعىن ءۇيدى باسقارۋ بويىنشا جالپى جينالىستىڭ قۇزىرەتى دە رەگلامەنتتەلەدى. سول جەردە قارالاتىن ماسەلەلەر ناقتى كورسەتىلەدى. ولار:
- ءۇيدى كۇتىپ-ۇستاۋعا ارنالعان شىعىستاردىڭ جىلدىق سمەتاسىن بەلگىلەۋ؛
- جەراستى تۇراق پەن قويما ورىندارىن كۇتىپ-ۇستاۋ ءۇشىن اقى تولەۋ مولشەرىن بەكىتۋ؛
- پاتەردىڭ، تۇرعىن ەمەس ءۇي-جايدىڭ مەنشىك يەسىنە كوندومينيۋم وبەكتىسى ورتاق مۇلكىنىڭ ءبىر بولىگىن مۇلىكتىك جالداۋعا (جالعا الۋعا) بەرۋ تۋرالى شەشىم قابىلداۋ.
زاڭدا اۋىلدا ءوز قىزمەتكەرلەرى ءۇشىن تۇرعىن ءۇي سالاتىن جۇمىس بەرۋشىلەردىڭ شىعىندارىن سۋبسيديالاۋ تەتىگى قاراستىرىلعان.
سەنات ەنگىزگەن وزگەرىستەر:
- ەگەر پاتەردىڭ، تۇرعىن ەمەس ءۇي-جايدىڭ مەنشىك يەسى مەملەكەت قاتىساتىن ۇيىم بولىپ سانالسا، وندا كوندومينيۋم وبەكتىسىن باسقارۋعا جانە كوندومينيۋم وبەكتىسىنىڭ ورتاق مۇلكىن كۇتىپ-ۇستاۋعا ارنالعان شىعىستاردى تولەۋ كەزىندە "مەملەكەتتىك ساتىپ الۋ تۋرالى" قازاقستان رەسپۋبليكاسى زاڭىنىڭ قولدانىسى قولدانىلمايدى دەگەن نورما ەنگىزىلەدى؛
- بيۋدجەت قاراجاتىنىڭ قايتارىلۋىن قامتاماسىز ەتۋدى ەسكەرە وتىرىپ، ءتيىستى حاتتامانى رەسىمدەۋ ارقىلى وسى كىرەبەرىس تۇرعىندارىنىڭ شەشىمى بويىنشا كوپپاتەرلى تۇرعىن ءۇي كىرەبەرىستەرىنىڭ بىرىندەگى ءليفتىنى بيۋدجەت قاراجاتى ەسەبىنەن اۋىستىرۋ مەن جوندەۋدى ۇيىمداستىرۋ جانە قارجىلاندىرۋ تەتىگى زاڭنامامەن بەكىتىلەدى؛
- كوندومينيۋم وبەكتىسىنىڭ ورتاق مۇلكىن جەكە مەنشىككە يەلىكتەن شىعارۋعا تىيىم سالىنادى؛
- ورىنتۇراق ورىندارىنىڭ جانە قويمالاردىڭ مەنشىك يەلەرىنىڭ قۇقىقتارى مەن مىندەتتەرى ناقتىلانادى؛
- كوپ پاتەرلى تۇرعىن ءۇي تىركەلگەن كۇننەن باستاپ التى اي ىشىندە كوپ پاتەرلى تۇرعىن ءۇيدىڭ تاپسىرىس بەرۋشىسىنىڭ (قۇرىلىس سالۋشىسىنىڭ) كوپ پاتەرلى تۇرعىن ءۇيدىڭ سىرتقى ينجەنەرلىك جەلىلەرى مەن قۇرىلىستارىن كوممۋنالدىق مەنشىككە وتەۋسىز بەرۋدى قامتاماسىز ەتۋ مىندەتى رەگلامەنتتەلەدى.