قازاقستان مەن ەۋروپالىق وداق قاتىناسىنا - 30 جىل.
باسىلىمنىڭ جاڭا ءنومىرى وسىعان ورايلاستىرىلدى. 102 بەتتەن تۇراتىن جۋرنالدىڭ جاڭا سانى بريۋسسەلدە كوپشىلىككە تانىستىرىلدى، دەپ حابارلايدى Almaty-akshamy.kz.
«ديپلوماتيالىق الەم» جۋرنالىندا پرەزيدەنت توقايەۆتىڭ بىلتىر استانادا ەۋروپالىق كەڭەستىڭ ءتوراعاسى شارل ميشەلمەن كەزدەسۋى، ەۋروپالىق وداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى جوزەپ بوررەلدىڭ قازاقستان جايلى سۇحباتى جانە ريم پاپاسى فرانسيسكتىڭ ەلورداعا ساپارى تۋرالى كەڭىنەن جازىلعان. شەتەلدىك جۋرناليستەر قازاقستانداعى ساياسي-الەۋمەتتىك رەفورمالار مەن ەلگە سىرتتان ينۆەستيسيا تارتۋعا باسىمدىق بەرىلگەنى تۋرالى دا كەڭىنەن توقتالعان. سونداي-اق، باسىلىم بەتتەرىندە ەلىمىزدىڭ كورىكتى جەرلەرى جايلى مول ماعلۇمات كەلتىرىلگەن.
«بۇل جۋرنال ەۋروپالىق پارلامەنتكە، ەۋروپالىق كوميسسياعا، بارلىق ەلشىلىك پەن بيزنەس وكىلدەرىنە، شەتەلدەرگە تاراتىلادى. قازىرگىدەي قيىن كەزەڭدە ەۋروپا ەلدەرى رەسۋرسقا، مەتاللدارعا ءزارۋ. ال ونىڭ ءبارى قازاقستاندا بار. وسى جۋرنالدا قازاقستان مەن ەۋرووداق قاتىناسىنىڭ ماڭىزدى تۇستارىن جاريا ەتۋگە تىرىستىق»، - دەيدى «ديپلوماتيالىق الەم» جۋرنالىنىڭ پرەزيدەنتى باربارا ديتريح.