تۇرعىن ءۇي كەزەگىندە تۇرعاندار توقسانىنا كەمىندە ءبىر رەت تۇگەندەلەدى

ق ر ونەركاسىپ جانە قۇرىلىس ءمينيسترى قانات شارلاپايەۆ پارلامەنت ءماجىلىسىنىڭ پلەنارلىق وتىرىسىنداعى بايانداماسىندا ايتىپ وتكەندەي، اعىمداعى جىلدىڭ 1 تامىزىنان باستاپ قازىرگى ۋاقىتقا دەيىن تۇرعىن ءۇي كەزەگىنەن 21 607 ازامات الىندى.

تۇرعىن ءۇي ساياساتىن رەفورمالاۋ جونىندەگى زاڭ جوباسى شەڭبەرىندە كەزەكتە تۇرعاندارعا توقسانىنا كەمىندە ءبىر رەت تۇگەندەۋ جۇرگىزۋ بويىنشا ۇسىنىستار كوزدەلگەن. بۇگىنگى تاڭدا اكىمدىكتەر بۇل جۇمىستى جىلىنا ءبىر رەت قانا جۇرگىزەدى، دەپ حابارلايدى Almaty-akshamy.kz ق ر ونەركاسىپ جانە قۇرىلىس مينيسترلىگىنە سىلتەمە جاساپ. 

ونەركاسىپ جانە قۇرىلىس مينيسترلىگى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىمەن بىرلەسىپ، كەزەكتە تۇرعانداردىڭ قولدانىستاعى بازاسىنا زاڭناما تالاپتارىنا سايكەستىگى تۇرعىسىنان تالداۋ جۇرگىزدى.

الدىن الا دەرەكتەر بويىنشا 646 مىڭ ازاماتتىڭ 232 مىڭى ەسەپتەن شىعارىلۋعا جاتادى.

انىقتاما:

سوڭعى 5 جىلدا 96،1 مىڭ تۇرعىن ءۇيلى بولدى؛

533-قر ازاماتتىعى جوق؛

91،4 مىڭ – تىركەۋ ورنى (تىركەلۋ) كەزەكتە تۇرعان وڭىرمەن سايكەس كەلمەيدى؛

29 مىڭ - تىركەۋسىز؛

15،6 مىڭ ادام قايتىس بولدى.

بۇل جۇمىستى جەرگىلىكتى اتقارۋشى ورگاندار بۇرىن تيىسىنشە جۇرگىزبەگەنىنىڭ ايعاعى. 

بۇگىنگى تاڭدا اكىمدىكتەر مينيسترلىكپەن بىرلەسىپ وسى باعىتتا جۇمىس ىستەي باستادى. اعىمداعى جىلدىڭ 1 تامىزىنان باستاپ قازىرگى ۋاقىتقا دەيىن كەزەكتەن 21 607 ازامات الىندى (ۇوس ارداگەرلەرى-5، جەتىم بالالار – 1045، كوپبالالى وتباسىلار – 3539، ءحاوت – 7936، مەملەكەتتىك قىزمەتشىلەر مەن بيۋدجەتشىلەر – 9002، اۆاريالىق تۇرعىن ءۇيى بار ازاماتتار-80.).

سونداي-اق، پلەنارلىق وتىرىستىڭ اياسىندا مينيستر كەزەكتە تۇرعانداردىڭ جالپى سانىنان، ياعني 646 مىڭ ازاماتتىڭ تەك 250 مىڭى حالىقتىڭ الەۋمەتتىك وسال توپتارىنىڭ وكىلدەرى بولىپ تابىلاتىنىن حابارلادى. مينيستر كەزەكتە تۇرعانداردى تۇرعىن ۇيمەن قامتاماسىز ەتۋ جونىندەگى پروبلەمانىڭ بار ەكەنىن مينيسترلىك مويىندايتىنىن جانە قولدا بار بيۋدجەت قاراجاتىنىڭ بارىنشا ءتيىمدى ءبولىنۋىن قامتاماسىز ەتۋ ءۇشىن جۇمىس ىستەپ جاتقانىن اتاپ ءوتتى.