تۇركسىب اۋدانىندا ءتارتىپتى قامتاماسىز ەتۋمەن اينالىساتىن “بۋران-314” پاترۋلدىك ەكيپاجى ۆيليامس كوشەسىندەگى ءۇيدىڭ شاتىرىنىڭ استىنان ءتۇتىن شىعىپ جاتقانىن بايقاعان.
راديوستانسيا ارقىلى ءورت تۋرالى دابىلدى جەدەل كەزەكشىگە جەتكىزىپ، پاترۋلدىك قىزمەتكەرلەر ن.ماناس پەن ن.قۇلمان كومەككە ۇمتىلدى. ولار ۇيدە ادامدار بولۋى مۇمكىن دەپ ويلادى.
«ءتارتىپ ساقشىلارى قولدا بار قۇرالدارمەن ءورتتى وزدەرى وشىرمەك بولعان. پوليسيا قىزمەتكەرلەرى ءورت ءسوندىرۋ تەحنيكاسىنىڭ ۇيگە كەدەرگىسىز كىرۋىن قامتاماسىز ەتۋ ءۇشىن كولىكتەردى باسقا جاققا بۇرا باستادى. ناتيجەسىندە “101” قىزمەتى ءورتتى وقشاۋلادى. ابىروي بولعاندا، زارداپ شەككەندەر مەن قۇرباندار جوق»، – دەيدى تۇركسىب اۋداندىق پوليسيا باسقارماسىنىڭ باستىعى ەركىن امانتايەۆ.