الماتى پوليسەيلەرى مەن ەرىكتىلەرى 100-دەن استام ەسىرتكى جارنامالارىن جويدى.
اۋداندىق پوليسيا باسقارماسىندا پوليسيانىڭ قوعامدىق كومەكشىلەرى، “امانات” پارتياسى مەن مەدەۋ اۋدانى اكىمدىگىنىڭ كەزەكتى جيىنى ءوتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ماقسات – ەسىرتكىنى ساتۋعا جانە قولدانۋعا ىقپال ەتەتىن جازۋلاردى جويۋ. بۇل ناۋقاننىڭ باستالۋى ونى جۇزەگە اسىرۋعا تارتىلعان كۇشتەر مەن قۇرالداردىڭ ءبىرتۇتاس ساپتۇزەۋىندە بەرىلدى. 20 ەرىكتى پوليسيانىڭ ۋچاسكەلىك ينسپەكتورلارىمەن بىرگە ءموبيلدى توپتارعا ءبولىنىپ، وسى قىلمىستىق جارنامالار ءجيى كەزدەسەتىن ەلدى مەكەندەرگە اتتاندى. ءبىز الدىن الا گراففيتي جازۋلارىنىڭ ورنالاسۋىنا تالداۋ جاسادىق. وسى جەردەن باعىتىمىزدى ازىرلەدىك. ۇيلەستىرىلگەن جانە ۇجىمدىق جۇمىس 100-دەن استام جازۋدى بوياۋعا مۇمكىندىك بەردى»، – دەيدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.
سونىمەن قاتار “قۇقىقتىق ءتارتىپ” ءىس-شاراسىنا ورايلاستىرىلعان ءاقپاراتتىق-تۇسىندىرۋ جۇمىستارى بارىسىندا پوليسەيلەر قازاق ۇلتتىق اگرارلىق زەرتتەۋ ۋنيۆەرسيتەتىنىڭ ستۋدەنتتەرىمەن كەزدەسۋ وتكىزدى.