تۇرعىن ءۇي كەشەندەرىندە نە ءۇشىن ايىپپۇل سالىنۋى مۇمكىن؟

قازاقستانداعى تۇرعىن ءۇي كەشەندەرىندە نە ءۇشىن ايىپپۇل سالىنۋى مۇمكىن؟ اqshamnews.kz ءتىلشىسى انىقتاپ كوردى. 

ايىپپۇلدار: كىرەبەرىستە نە ىستەۋگە بولمايدى؟

قوقىس پاكەتتەرىن كىرەبەرىسكە شىعارۋعا بولمايدى

ەسىك الدىنا كىشكەنتاي قوقىس پاكەتىن قويساڭىز دا، بۇل ەرەجە بۇزۋ بولىپ ەسەپتەلەدى جانە اكىمشىلىك قۇقىقبۇزۋشىلىق تۋرالى كودەكستىڭ 434-2-بابى "قوعامدىق ورىنداردى لاستاۋ" بويىنشا سارالانادى. 

ايىپپۇل: جەكە تۇلعالار ءۇشىن – 10-نان 20 اەك-كە دەيىن (39 320 تەڭگەدەن 78 640 تەڭگەگە دەيىن). 

تەمەكىنىڭ تۇقىلىن جاشىككە تاستاماي، تەرەزەدەن نەمەسە پودەزدە لاقتىرۋ، سونداي-اق پودەزدە شىلىم شەگۋگە بولمايدى

پاتەر تەرەزەسى نە بالكونىنان تاستالعان تەمەكى تۇقىلى بۇزۋشىلىق بولىپ ەسەپتەلەدى جانە كواپ-تىڭ 434-2-بابىنا جاتادى – "قوعامدىق ورىنداردى لاستاۋ".

ايىپپۇل: جەكە تۇلعالار ءۇشىن – 10-نان 20 اەك-كە دەيىن (39 320 – 78 640 تەڭگە)".

پودەزد سياقتى ورتاق پايدالانىلاتىن ورىنداردا شىلىم شەگۋ، ونىڭ ىشىندە قىزدىرىلاتىن تەمەكى بۇيىمدارى، كاليان تەمەكىسى، كاليان قوسپالارى، تەمەكىنى قىزدىرۋعا ارنالعان جۇيەلەر، ەلەكترون تۇتىنۋ جۇيەلەرى مەن ولارعا ارنالعان سۇيىقتىقتاردى قولدانۋ تىيىم سالىنعان. ولاردى تۇتىنۋعا تىيىم سالۋ زاڭنامادا رەتتەلگەن.

كواپ 441-بابى – "بەلگىلەنبەگەن ورىنداردا شىلىم شەگۋ"

ايىپپۇل: 15 اەك (58 980 تەڭگە)

پودەزدە الكوگول ىشۋگە بولمايدى

كوپقاباتتى ءۇي پودەزىندە الكوگول ىشەتىندەر كورشىلەرگە جايسىزدىق تۋدىرىپ قانا قويماي، قوعامدىق ءتارتىپ ەرەجەلەرىن دە بۇزادى.

تۇرعىن ءۇي پودەزدەرىندە الكوگولدى ىشىمدىكتەر ءىشۋ اكىمشىلىك قۇقىقبۇزۋشىلىق تۋرالى كودەكستىڭ 440-بابىنا "الكوگولدى ىشىمدىكتەر ءىشۋ نەمەسە قوعامدىق ورىنداردا ماس كۇيىندە بولۋ" سايكەس سارالانادى. 

ايىپپۇل: 5 اەك (19 660 تەڭگە)".

پودەزد قابىرعالارىنا سۋرەت سالۋ نەمەسە عيماراتتىڭ قاسبەتىن بۇلدىرۋگە بولمايدى

كوپقاباتتى ءۇيدىڭ قابىرعاسىنا ءوز "ءىزىن" قالدىرعان ادام تەك ەستەتيكانى بۇزىپ قويماي، زاڭدى دا بۇزادى.

عيماراتتار، باسقا قۇرىلىستار، تۇرعىن ۇيلەر، ورتاق پايدالانىلاتىن ورىندار، كولىكتەگى مۇلىك جانە باسقا دا قوعامدىق ورىنداردى بۇلدىرگەندەر زاڭ الدىدا جاۋاپ بەرەدى.

ايىپپۇل: 50 اەك (197 600 تەڭگە) نەمەسە 5-تەن 20 تاۋلىككە دەيىن اكىمشىلىك قاماۋ".

جوندەۋدەن كەيىنگى قوقىستى قالدىرۋعا بولمايدى

ءۇيىڭىزدىڭ ماڭىندا نەمەسە ورتاق اۋماقتا قۇرىلىس قالدىقتارىن ۋاقىتشا ساقتاۋ دا زاڭ ەرەجەلەرىن بۇزۋ بولىپ ەسەپتەلەدى.

قۇرىلىس قوقىستارىن پودەزدە نەمەسە ورتاق اۋماقتا قالدىرۋ اقبتك 505-بابى "قالالار مەن ەلدى مەكەندەردىڭ اۋماقتارىن كوركەيتۋ ەرەجەلەرىن بۇزۋ، ينفراقۇرىلىم نىساندارىن جويۋ، كوگالداردى جويۋ جانە ءبۇلدىرۋ" بويىنشا قارالادى. 

ايىپپۇل: 20-دان 30 اەك-كە دەيىن (78 640 – 117 960 تەڭگە)".

پودەزدە ۆەلوسيپەد، اربا جانە باسقا دا جەكە زاتتاردى قالدىرۋ

كىرەبەرىستە ۆەلوسيپەد نەمەسە باسپالداق الاڭىنا ەسكى جيھاز ساقتاۋ ەۆاكۋاسياعا كەدەرگى كەلتىرىپ، ءورت قاۋىپسىزدىگى ەرەجەلەرىن بۇزادى.

جەكە زاتتاردى (ۆەلوسيپەد، جيھاز جانە ت.ب.) ورتاق پايدالانىلاتىن ورىنداردا ساقتاۋ اقبتك 410-بابىنا سايكەس "ءورت قاۋىپسىزدىگى تالاپتارىن بۇزۋ نەمەسە ورىنداماۋ" سارالانادى.

ايىپپۇل: 5-تەن 10 اەك-كە دەيىن (19 660 – 39 320 تەڭگە)".

پودەزدە نەمەسە رۇقسات ەتىلمەگەن جەردە يت، مىسىق ۇستاۋ

جانۋارلاردى رۇقسات ەتىلمەگەن جەرلەردە سەرۋەندەتۋ نەمەسە پودەزدە ۇستاۋ كورشىلەرگە جايسىزدىق تۋدىرىپ قانا قويماي، سانيتارلىق نورمالاردى بۇزادى.

ايىپپۇل: 10-نان 20 اەك-كە دەيىن (39 320 – 78 640 تەڭگە)".

تۇندە شۋلاۋعا بولمايدى

ءتۇن ىشىندە مۋزىكاى قاتتى قويۋ نەمەسە جوندەۋ جۇمىستارىن جاساۋ كورشىلەردىڭ تىنىشتىعىن بۇزعانى ءۇشىن ايىپپۇل سالۋعا نەگىز بولا الادى.

تىنىشتىقتى بۇزۋ جۇمىس كۇندەرى ساعات 22:00–09:00، دەمالىس جانە مەرەكە كۇندەرى 23:00–10:00 ارالىعىندا تىركەلەدى. بۇل – اقبتك-تىڭ 437-بابى بويىنشا رەتتەلەدى.

– جەكە تۇلعالار ءۇشىن – 5 اەك (19 660 تگ)
– شاعىن بيزنەس – 20 اەك (78 640 تگ)
– ورتا بيزنەس – 30 اەك (117 960 تگ)
– ءىرى كاسىپكەرلەر – 100 اەك (393 200 تگ).

قوعامدىق ورىنداردا (ونىڭ ىشىندە تۇرعىن ءۇي كەشەنىنىڭ اۋماعىندا) نە ىستەۋگە بولمايدى؟

كورشىلەرگە تيىسۋگە بولمايدى

ەگەر پودەزد نەمەسە تۇرعىن ءۇي كەشەنىنىڭ اۋماعىندا بىرەۋ كورشىلەرگە ءتيىسىپ، بالاعات سوزدەر ايتىپ، جاعىمسىز ۇسىنىستار جاساسا، بۇل قوعامدىق ءتارتىپتى بۇزۋ بولىپ ەسەپتەلەدى جانە ايىپپۇل سالىنادى.

ايىپپۇل: 5–10 اەك (19 660 – 39 320 تەڭگە) نەمەسە 5 تاۋلىككە دەيىن اكىمشىلىك قاماۋ".

كوشەدە نەمەسە پودەزدە دارەت سىندىرۋعا بولمايدى

ەگەر بىرەۋ قوعامدىق جەردە، اۋلادا، پودەزدىڭ جانىندا نەمەسە ىشىندە دارەت سىندىرسا، بۇل سانيتارلىق نورمالاردى بۇزۋ جانە قوعامدىق ءتارتىپتى بۇزۋ بولىپ ەسەپتەلەدى.

ايىپپۇل: 20 اەك (78 640 تەڭگە) نەمەسە 5–15 تاۋلىككە دەيىن اكىمشىلىك قاماۋ".

تۇرعىن ءۇي كەشەنى اۋماعىندا نە ىستەۋگە بولمايدى؟

اۆتوكولىكتى رۇقسات ەتىلمەگەن جەرگە قويۋعا بولمايدى

كولىكتى گازونعا نەمەسە پارك ايماعىنا قويۋ كوگالدارعا زيان كەلتىرەدى جانە اباتتاندىرۋ ەرەجەسىن بۇزۋ سانالادى.

اقبتك-تىڭ 505-بابى بويىنشا – "قالالار مەن ەلدى مەكەندەردىڭ اۋماعىن كوركەيتۋ ەرەجەلەرىن بۇزۋ، ينفراقۇرىلىم نىساندارىن جويۋ، كوگالداردى ءبۇلدىرۋ".

ايىپپۇل: 5-تەن 30 اەك-كە دەيىن (19 660 – 117 960 تەڭگە)".

كولىكتى پودەزد الدىنا قويۋعا بولمايدى

كولىكتى پودەزدىڭ الدىنا قويۋ باسقا تۇرعىندارعا كەدەرگى كەلتىرەدى جانە كولىك قۇرالدارىن توقتاتۋ ەرەجەسىن بۇزۋ سانالادى.

ايىپپۇل: 5-تەن 30 اەك-كە دەيىن (19 660 – 117 960 تەڭگە).

كولىكتى اۋلادا جۋۋعا بولمايدى

تۇرعىن ءۇي اۋلاسىندا كولىكتى جۋۋ، اسىرەسە حيميالىق زاتتاردى قولدانۋ اۋماقتى لاستاپ، سانيتارلىق نورمالاردى بۇزادى.

ايىپپۇل: 5-تەن 30 اەك-كە دەيىن (19 660 – 117 960 تەڭگە). 

الماتىداعى كوپقاباتتى ۇيلەردە ءجيى كەزدەسەتىن قۇقىقبۇزۋشىلىقتار

الماتى قالالىق پوليسيا دەپارتامەنتىنىڭ مالىمەتىنشە،
كوپ جاعدايدا تۇرعىندار پودەزگە قوقىس جيناۋ، ءۇي ماڭىندا كولىك جۋۋ، جوندەۋدەن كەيىنگى قۇرىلىس قوقىستارىن ءۇيىپ قويۋ، قۇرىلىس ماتەريالدارىن جانە ءىرى گاباريت زاتتاردى ساقتاۋ سياقتى قوعامدىق ءتارتىپ ەرەجەلەرىن بۇزادى.