مەملەكەتتىك ساتىپ الۋلارعا قاتىسۋ ءۇشىن جالعان قۇجاتتار جاساپ، 70 ميلليارد تەڭگەگە جۋىق كەلىسىمشارت جەڭىپ العان قىلمىستىق توپ انىقتالدى، – دەپ حابارلايدى اqshamnews.kz.
قارجى مونيتورينگى اگەنتتىگىنىڭ الماتى قالاسى بويىنشا دەپارتامەنتى قۇرىلىس سالاسىنداعى مەملەكەتتىك ساتىپ الۋلار كەزىندە جالعان مالىمەتتەردى قولدانعان ادامدار توبىنا قاتىستى سوتالدى تەرگەپ-تەكسەرۋ جۇمىستارىن جۇرگىزىپ جاتىر.
تەرگەۋ مالىمەتىنشە، 2021 جىلدان 2024 جىلعا دەيىن كۇدىكتىلەر جالعان كومپانيالار ارقىلى تەندەرلەرگە قاتىسىپ، جالعان قۇجاتتار مەن مالىمەتتەردى پايدالانۋ ارقىلى رەيتينگتەرىن قولدان كوتەرگەن.
بۇل "قىزمەت" ءۇشىن ۇيىمداستىرۋشىلار كليەنتتەردەن 500 مىڭنان 1،5 ميلليون تەڭگەگە دەيىن سىياقى الىپ وتىرعان.
زاڭسىز جولمەن الىنعان جالپى تابىس 664 ميلليون تەڭگەدەن اسقان. بۇل قاراجاتقا 11 اۆتوكولىك پەن 12 جىلجىمايتىن مۇلىك (ونىڭ ىشىندە 5 پاتەر مەن 7 جەر ۋچاسكەسى) ساتىپ الىنعان.
تەرگەۋ بولجامى بويىنشا، ءدال وسى زاڭسىز تاسىلدەر ارقىلى جالپى سوماسى 70 ميلليارد تەڭگەگە جۋىق كەلىسىمشارتتار جاسالعان.
ءقازىر ءتورت كۇدىكتى ۇستالىپ، تەرگەۋ يزولياتورىنا قامالدى.
ق ر قىلمىستىق-پروسەستىك كودەكسىنىڭ 201-بابىنا سايكەس، وزگە اقپاراتتار تەرگەۋ مۇددەسىنە بايلانىستى جاريالانبايدى.