اقتاۋ تۇرعىندارى 15-شاعىناۋدانداعى جاعالاۋدا ورنالاسقان قوعامدىق اجەتحاناعا بايلانىستى شاعىم ءتۇسىردى. ولار ىشىندە بالالار ۇيىقتاپ جاتقانىن، ال كاسسير ايەل ماس كۇيىندە وتىرعانىن ايتتى، - دەپ حابارلايدى Aqshamnews.kz ءتىلشىسى Lada.kz-كە سىلتەمە جاساپ.
تۇرعىنداردىڭ ايتۋىنشا، ولار سەرۋەندەپ ءجۇرىپ، قوعامدىق اجەتحاناعا كىرگەن.
"كاسسير ايەل ماس بولعانى انىق، بىزدەن تولەم الدى. ىشكە كىرسەك، ەدەندە بالالار جاتىر. ارتىنشا ىشكە تاعى ءبىر ەر ادام مەن بالاسى، سونداي-اق ماس ايەل كىردى. ولار بىزبەن جانجالداسىپ، وقيعانى تەلەفونعا تۇسىرۋگە تىيىم سالۋعا تىرىستى. وتباسىلار دەمالۋعا كەلەتىن قوعامدىق ورىن ءۇشىن ماسقارا عوي"، – دەدى اقتاۋ تۇرعىنى.
ونىڭ سوزىنشە، اجەتحانادا تاعى ءبىر بولەك بولمە بولعان، وندا دا بالالار ۇيىقتاپ جاتقان.
تۇرعىندار قالا اكىمدىگىنەن بۇل جاعدايعا نازار اۋدارۋدى جانە ماسەلەنى شەشۋدى سۇرادى.
بۇل جاعدايعا بايلانىستى Lada.kz رەداكسياسى اقتاۋ قالاسى اكىمدىگىنە رەسمي ساۋال جولدادى.