ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ ۇكىمەت وتىرىسىندا تۇرعىن ءۇي جالداۋ سۋبسيدياسىنا كىمدەر ءوتىنىش بەرە الاتىنىن ءتۇسىندىردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
ونىڭ ايتۋىنشا، ءوتىنىش بەرۋشىگە قويىلاتىن نەگىزگى تالاپتار مىنالار:
1) قازاقستان رەسپۋبليكاسىنىڭ ازاماتتىعى؛
2) وتباسىنىڭ جيىنتىق تابىسىنىڭ سوڭعى 6 ايدا وتباسىنىڭ ءاربىر مۇشەسىنە ەڭ تومەنگى كۇنكورىس دەڭگەيىنىڭ 1 ەسەلەنگەن شاماسىنان اسپايتىن بولۋى؛
3) تۇرعىن ۇيگە مۇقتاج رەتىندە اكىمدىكتە كەزەككە قويىلعانىن راستاۋ؛
4) تۇرعىن ءۇي يەسى مەن ءوتىنىش بەرۋشى اراسىندا جاسالعان شارتتىڭ بولۋى.
تولەمدەردى تاعايىنداۋ ءۇشىن ءوتىنىش بەرۋشى بانككە ەسق ارقىلى:
1) تولەمدەر تاعايىنداۋعا ءوتىنىش؛
2) تۇرعىن ءۇيدى جالداۋ شارتىن قوسا بەرەدى.
«قالعان قۇقىق بەلگىلەيتىن قۇجاتتار ءتيىستى اقپاراتتىق جۇيەلەردەن الىناتىن بولادى. وتباسى بانك ۇسىنىلعان قۇجاتتاردىڭ سايكەستىگىن قارايدى جانە تەكسەرەدى، راستالعان جاعدايدا، 10 جۇمىس كۇنى ىشىندە جالداۋ تولەمدەرىن اۋدارادى»، - دەدى قايىربەك وسكەنبايەۆ.