مۇنداي كومەكتى 1،1 ملن ادام العان.
قازاقستان ۇكىمەتى 2021 جىلى جۇمىس ىستەيتىن حالىقتى قولداۋ ماقساتىندا شامامەن 339 ملرد تەڭگە تولەدى، دەپ حابارلايدى Almaty-akshamy.kz.
«2021 جىلدىڭ قورىتىندىسى بويىنشا مەملەكەتتىك الەۋمەتتىك ساقتاندىرۋ قورىنان 1،1 ملن ادام جالپى سوماسى 338،8 ملرد تەڭگەگە الەۋمەتتىك تولەمدەر الدى»، - دەلىنگەن ەڭبەك مينيسترلىگى باسپا ءسوز قىزمەتىنىڭ حابارلاماسىندا.
مامانداردىڭ ايتۋىنشا، ەڭبەك ەتۋ قابىلەتىنەن ايىرىلعان جاعدايدا، ءماسق-تان تولەنەتىن الەۋمەتتىك تولەم بيۋدجەت قاراجاتىنان تولەنەتىن مۇگەدەكتىگى بويىنشا مەملەكەتتىك الەۋمەتتىك جاردەماقىعا قوسىمشا مىندەتتى الەۋمەتتىك ساقتاندىرۋ جۇيەسىنىڭ قاتىسۋشىسىنا تاعايىندالادى. تولەمدى تاعايىنداۋ ءۇشىن مۇگەدەكتىك العاش رەت بەلگىلەنگەن كەزدە مەديسينالىق-الەۋمەتتىك ساراپتاما بولىمىنە جۇگىنۋگە بولادى. 2021 جىلى بۇل تولەمدى 26،9 ملرد.تەڭگە سوماسىنا 94،7 مىڭ ادام الدى.
اسىراۋشىسىنان ايىرىلعان جاعدايدا، ءماسق-تان تولەنەتىن الەۋمەتتىك تولەم بيۋدجەت قاراجاتىنان تولەنەتىن اسىراۋشىسىنان ايىرىلۋ بويىنشا مەملەكەتتىك الەۋمەتتىك جاردەماقىعا قوسىمشا قايتىس بولعان ءماسج قاتىسۋشىسىنىڭ اسىراۋىنداعى ادامدارعا تاعايىندالادى. تولەمدى تاعايىنداۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراسياسى» كەاق-عا جۇگىنۋگە بولادى. 2021 جىلى بۇل تولەمدى 17،7 ملرد تەڭگە سوماسىنا 57،7 مىڭ ادام الدى.
جۇمىسىنان ايىرىلعان جاعدايدا، ءماسق-تان تولەنەتىن الەۋمەتتىك تولەم جۇمىسسىز رەتىندە تىركەلگەن ءماسج-عا قاتىسۋشىعا تاعايىندالادى. تولەمدى تاعايىنداۋ ءۇشىن:
- ەگەر ادام جۇمىسسىز رەتىندە تىركەلسە، مەملەكەتتىك كورپوراسياعا؛
- جۇمىسسىز رەتىندە تىركەلگەن كەزدە، حالىقتى جۇمىسپەن قامتۋ ورتالىعىنا؛
- جۇمىسسىز رەتىندە تىركەلگەنى تۋرالى مالىمەت بولعان جاعدايدا، egov.kz ۆەب-پورتالى ارقىلى؛
- «ەلەكتروندىق ەڭبەك بيرجاسى» پورتالى ارقىلى (enbek.kz) جۇگىنۋگە بولادى.
اتالعان تولەم ماسج-گە قاتىسۋ وتىلىنە بايلانىستى 1 ايدان 6 ايعا دەيىنگى كەزەڭگە تاعايىندالادى. تولەم مولشەرى سوڭعى ەكى جىلداعى ورتاشا تابىستىڭ شامامەن 40%-ىن قۇرايدى. 2021 جىلى بۇل تولەمدى 16،2 ملرد تەڭگە سوماسىنا 105،7 مىڭ ادام الدى.
جۇكتىلىگىنە جانە بوسانۋىنا، جاڭا تۋعان بالانى (بالالاردى) اسىراپ الۋىنا بايلانىستى تابىسىنان ايىرىلعان جاعدايدا ءماسق-تان تولەنەتىن الەۋمەتتىك تولەم جۇمىس بەرۋشى بەلگىلەگەن جۇكتىلىك جانە بوسانۋ بويىنشا ۋاقىتشا ەڭبەككە جارامسىزدىق پاراعى نەگىزىندە ماسج-گە قاتىساتىن جۇمىس ىستەيتىن ايەلدەرگە تاعايىندالادى.
بۇل تولەمنىڭ مولشەرى سوڭعى 12 ايداعى ءماسق-قا الەۋمەتتىك اۋدارىمدار تولەنگەن تابىستارعا جانە ەڭبەككە جارامسىزدىق پاراعىنا سايكەس ەڭبەككە جارامسىزدىق كۇندەرىنىڭ سانىنا بايلانىستى بولادى. 2021 جىلى بۇل ءبىرجولعى تولەمدى 225،5 مىڭ بولاشاق انا جالپى سوماسى 123،6 ملرد تەڭگەگە الدى.
سونداي-اق، 2021 جىلى 662،8 مىڭ الۋشىعا 1 جاسقا دەيىنگى بالا كۇتىمىنە بايلانىستى تابىسىنان ايىرىلعان جاعدايدا، ءماسق-نان جالپى سوماسى 154،5 ملرد تەڭگەگە اي سايىنعى الەۋمەتتىك تولەمدەر جۇزەگە اسىرىلدى.
بۇل تولەمنىڭ مولشەرى سوڭعى 2 جىل ىشىندەگى ءماسق-قا الەۋمەتتىك اۋدارىمدار تولەنگەن ورتاشا ايلىق تابىستىڭ 40%-ىن قۇرايدى. زاڭنامادا تولەمنىڭ ەڭ تومەنگى مولشەرى مىندەتتى زەينەتاقى جارنالارىنىڭ سوماسىنا قوسىمشا اۋدارۋمەن 1 جاسقا دەيىنگى بالا كۇتىمى بويىنشا ۇقساس اي سايىنعى مەملەكەتتىك الەۋمەتتىك جاردەماقى دەڭگەيىندە بەلگىلەنگەن. تولەمنىڭ ەڭ جوعارى مولشەرى ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭدا بەلگىلەنگەن ەڭ تومەن جالاقىنىڭ جەتى ەسەلەنگەن مولشەرىنىڭ 40%-ىنان اسپايدى، ياعني 2022 جىلى – 168 مىڭ تەڭگە.
«اسىراۋشىسىنان ايىرىلعان جاعدايدى» قوسپاعاندا، جوعارىدا كورسەتىلگەن تاعايىندالعان الەۋمەتتىك تولەمدەردەن مزج ۇستالىپ، الۋشىنىڭ ءبىرىڭعاي جيناقتاۋشى زەينەتاقى قورىنا اۋدارىلادى.
ءماسق-تان الەۋمەتتىك تولەمدەردى تاعايىنداۋ تاسىلدەرىنىڭ ءبىرى ازاماتتاردىڭ مەملەكەتتىك ورگاندار مەن ۇيىمدارعا ءوتىنىشىنسىز پرواكتيۆتى فورمات بولىپ تابىلادى. مۇنداي جاعدايلاردا ازاماتتاردىڭ ۇيالى تەلەفونىنا تولەمدەردى رەسىمدەۋگە قاتىستى sms-حابارلاما كەلەدى، وعان كەلىسىم بەرۋ قاجەت.
پرواكتيۆتى قىزمەت كورسەتىلەتىن قىزمەتتى الۋشىنىڭ ۇيالى بايلانىسىنىڭ ابونەنتتىك قۇرىلعىسىنىڭ تەلەفون ءنومىرى ەلەكتروندىق ۇكىمەت پورتالىندا (egov.kz) تىركەلگەن، الەۋمەتتىك تاۋەكەلدىڭ تۋىنداعانى تۋرالى اقپاراتتىق جۇيەلەردەن مالىمەتتەر العان، سوڭعى 24 ايدا، ال جۇكتىلىگى مەن بوسانۋى بويىنشا سوڭعى 12 ايدا ءماسق-قا كەلىپ تۇسكەن الەۋمەتتىك اۋدارىمداردىڭ، سونداي-اق بانك شوتىنىڭ ءنومىرىنىڭ بولعان جاعدايدا كورسەتىلەدى.
سونداي-اق، بالانىڭ تۋۋ تۋرالى كۋالىگىن العاننان كەيىن، ەلەكتروندىق سيفرلىق قولتاڭبا بولعان جاعدايدا، 1 جاسقا دەيىنگى بالا كۇتىمى بويىنشا تولەمدى egov.kz ارقىلى رەسىمدەۋگە بولادى.
بۇل رەتتە تۇرعىلىقتى جەرى بويىنشا مەملەكەتتىك كورپوراسيا ارقىلى ءوتىنىش بەرۋدىڭ ءداستۇرلى تاسىلدەرى قاعاز نىسانىندا قۇجاتتاردى بەرۋگە ىڭعايلى ادامدار ءۇشىن دە قولدانىلادى.
ءماسق-تان تولەنەتىن بارلىق تولەمدەر تۋرالى تولىق اقپاراتپەن www.gfss.kz ينتەرنەت-رەسۋرسىنان بىلۋگە بولادى.