نۇرلان ءنىعماتۋليننىڭ ءوتىنىش بەرۋىنە بايلانىستى.
ق ر ورتالىق سايلاۋ كوميسسياسى پارلامەنت ماجىلىسىنە نۇرلان ءنىعماتۋليننىڭ وكىلەتتىگىن توقتاتۋ تۋرالى ۇسىنىس ەنگىزدى، دەپ حابارلايدى Almaty-akshamy.kz وسك سايتىنا سىلتەمە جاساپ.
قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ن.ز. ءنىعماتۋليننىڭ وكىلەتتىگىن توقتاتۋعا اكەلەتىن نەگىزدىڭ تۋىنداعانى تۋرالى
قازاقستان رەسپۋبليكاسى كونستيتۋسياسىنىڭ 52-بابىنا، «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» 1995 جىلعى 16 قازانداعى قازاقستان رەسپۋبليكاسى كونستيتۋسيالىق زاڭىنىڭ 24-بابى 3 جانە 8-تارماقتارىنا سايكەس قازاقستان رەسپۋبليكاسىنىڭ ورتالىق سايلاۋ كوميسسياسى قاۋلى ەتەدى:
- قازاقستان رەسپۋبليكاسى پارلامەنتى ءماجىلىسىنىڭ دەپۋتاتى نۇرلان زايروللا ۇلى ءنىعماتۋليننىڭ ءوتىنىش بەرۋىنە بايلانىستى ونىڭ وكىلەتتىگىن مەرزىمىنەن بۇرىن توقتاتۋعا اكەلەتىن نەگىز تۋىندادى دەپ بەلگىلەنسىن.
- قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ن.ز. ءنىعماتۋليننىڭ وكىلەتتىگىن مەرزىمىنەن بۇرىن توقتاتۋ تۋرالى ۇسىنىم قازاقستان رەسپۋبليكاسى پارلامەنتىنىڭ ماجىلىسىنە ەنگىزىلسىن.
قازاقستان رەسپۋبليكاسى ورتالىق سايلاۋ كوميسسياسىنىڭ ءتوراعاسى ن. ءابدىروۆ
قازاقستان رەسپۋبليكاسى ورتالىق سايلاۋ كوميسسياسىنىڭ حاتشىسى ا. ششەگورسوۆا
نۇر-سۇلتان قالاسى، 2022 جىلعى 1 اقپان، № 8/444