فيلوسوفيا، ساياساتتانۋ جانە ءدىنتانۋ ينستيتۋتىنىڭ قابىرعاسىندا قازىرگى قازاقستانداعى كونستيتۋسيالىق رەفورما جانە سايلاۋ پروسەسى ماسەلەلەرىنە ارنالعان عىلىمي-پراكتيكالىق كونفەرەنسيا ءوتتى.
جيىنعا «ستراتەگيا» الەۋمەتتىك جانە ساياسي زەرتتەۋلەر ورتالىعى» قق باسشىسى، الەۋمەتتانۋ عىلىمىنىڭ كانديداتى گۇلميرا توقشالىق قىزى، يفپر ساياسي زەرتتەۋلەر ورتالىعىنىڭ ديرەكتورى، فيلوسوفيا عىلىمىنىڭ كانديداتى ايدار مولداش ۇلى، فيلوسوفيا عىلىمىنىڭ دوكتورى، پروفەسسور سەرىك نۇرمۇراتوۆ، ت.ب. عالىمدار مەن الەۋمەتتانۋشىلار قاتىسىپ، الداعى ساياسي ناۋقان الدىندا وي ءبولىستى.
«قازاقستاندا 1989 جىلدان 2022 جىلعا دەيىن وتكەن بىرنەشە سايلاۋ ناۋقاندارى مەن رەفەرەندۋمداردىڭ تاجىريبەسى (1995 جىلعى 29 ءساۋىر، 30 تامىز، 2022 جىلعى 5 ماۋسىم) ەلدەگى سايلاۋ پروسەستەرىنىڭ سايلاۋ تۋرالى زاڭنامانىڭ ىقپالىمەن عانا ەمەس، سونداي-اق قالىپتاسقان ساياسي مادەنيەت نورمالارىمەن، اتاپ ايتقاندا ساياسي قاتىسۋ جانە سايلاۋ مادەنيەتى سەكىلدى وزىندىك ەرەكشەلىكتەرى بار ەكەنىن كورسەتتى»، – دەيدى جيىنعا قاتىسقان ماماندار.
سايلاۋ ينستيتۋتىنىڭ كونستيتۋسيالىق قۇقىقتا كورىنىس تاپقان جانە كونستيتۋسيالىق رەفورمالار پروسەسىندە ەسكەرۋ قاجەت ارنايى فۋنكسيالارى بار.