مەملەكەت باسشىسى قاسىم-جومارت كەمەل ۇلى توقايەۆتىڭ قازاقستان حالقىنا ارناعان «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى جولداۋى ۇستازدار قاۋىمىنىڭ كوپتەگەن ماسەلەلەرىنە جاۋاپ ىسپەتتى بولدى.
بيىلعى ەل پرەزيدەنتىنىڭ جولداۋىندا ءبىلىم بەرۋ سالاسىن جان-جاقتى دامىتۋ قامتىلىپ وتىر.
جولداۋدىڭ ءۇشىنشى باعىتى ءبىلىم بەرۋ سالاسىنا ارنالىپ، مۇعالىمدەردى قولداۋ ساياساتى ءالى جالعاسا بەرەتىندىگى ايتىلدى. بۇدان بىلاي مۇعالىمدەردى قايتا دايارلاۋ 5 جىل سايىن ەمەس، 3 جىلدا ءبىر رەت ءوتىپ وتىراتىن بولدى. ويتكەنى، مۇعالىمدەر وقۋشىلارعا جاڭاشا ءبىلىم سىڭىرە الاتىن ناعىز اعارتۋشى بولۋعا ءتيىس. عىلىمعا ىنتاسى بار وقۋشىلار مەن ولاردىڭ جەتەكشىلەرىن ماتەريالدىق ىنتالاندىرۋ ماسەلەسى دە كوتەرىلدى. الداعى ۋاقىتتا حالىقارالىق وليمپيادالاردا جۇلدەلى ورىن العان تالانتتى وقۋشىلارعا 4،5 ملن. تەڭگە كولەمىندە اقشالاي ماراپات بەرىلسە، ولاردىڭ ۇستازدارى دا ماتەريالدىق تۇرعىدان ىنتالاندىرىلاتىن بولدى. جەڭىمپاز وقۋشىلارعا جوعارى وقۋ ورنىنا ءتۇسۋى ءۇشىن كونكۋرستان تىس گرانتتار بەرىلەتىن بولدى.
پرەزيدەنتتىڭ قالا مەن اۋىل اراسىنداعى ءبىلىم بەرۋ سالاسىنداعى الشاقتىقتى قىسقارتۋ قاجەتتىگى دە وزەكتى ماسەلە بولاتىن. مۇنىڭ ءوزى ءبىلىم الۋعا جاسالىپ جاتقان قولداۋدى كورسەتەدى. ەلىمىزدە مەكتەپ تاپشىلىعى ءالى دە وزەكتىلىگىن جويعان جوق. ەندى بۇل ماسەلە شەشىلەتىن سىڭايلى. ەلىمىزدە 2025 جىلعا دەيىن 800 مەكتەپ سالۋ كوزدەلسە، پرەزيدەنت ونىڭ سانىن مىڭعا دەيىن جەتكىزۋگە مىندەتتەدى.
ءبىلىم سالاسىن تولىق قامتىعان بۇل جولداۋدى №108 مەكتەپ ۇجىمى دا جان-جاقتى تالقىلاپ، ءبىلىم جۇيەسىندەگى وتكىر ماسەلەلەردىڭ شەشىمىن تاباتىنىنا سەنىم ءبىلدىرىپ وتىر.