قۇرعاق تۇيە ءسۇتىن وندىرەتىن زاۋىت ىسكە قوسىلدى
تۇڭعىش پرەزيدەنت كۇنىنە وراي الماتى وبلىسىندا ءبىرقاتار ماڭىزدى ءىس-شارالار ءوتتى، مىسالى، ىلە اۋدانىندا قۋاتتىلىعى تاۋلىگىنە 30 توننا دايىن ۇنتاق بولاتىن «داۋلەت-بەكەت» ج ش س قۇرعاق تۇيە ءسۇتىن وندىرەتىن زاۋىت ىسكە قوسىلدى.
ونىمدەر وتاندىق نارىق پەن قوسا رەسەي، جۇڭگو، تۇركيا، گەرمانيا جانە فرانسياعا شىعارىلماق. اۋداندا مەملەكەت باسشىسىنىڭ «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ اياسىندا 22ء-شى اۋىل اكىمدىگى «Open space»فورماتىندا ءوز جۇمىسىن باستادى.
ال، جامبىل اۋدانىنىڭ ۇڭگىرتاس اۋىلىندا اۋىلدىق مادەنيەت ءۇيىنىڭ سالتاناتتى اشىلۋى ءوتتى. عيماراتتىڭ جالپى اۋدانى 698،5 شارشى مەتر. 200 ورىندىق كورەرمەن زالى بار. تاعى ءبىر قۋانىش مەرەكەگە وراي كوكسۋ اۋدانىندا 16 مەترلىك تۋتۇعىر ورناتىلدى. تۇڭعىش پرەزيدەنت كۇنىنە وراي الاكول اۋدانىندا 150 بالاعا ارنالعان بالاباقشا اشىلدى. بۇگىنگى كۇنى ايدىندى ولكەدە مەكتەپكە دەيىنگى بىلىممەن قامتاماسىز ەتىلۋ دەڭگەيى 99،6 پايىزعا جەتتى.
الماتى وبلىس اكىمىنىڭ ءداستۇرلى «كوشباسشى-2021» جاستار سىيلىعىن تابىستاۋ مەرەكە قارساڭىنداعى ايتۋلى جاڭالىقتىڭ ءبىرى بولدى. ءتۇرلى سالادا كوش باستاپ جەتىستىككە جەتكەن، تىڭنان تۇرەن سالعان جەتىسۋلىق جىل ۇزدىكتەرى 20 نوميناسيا بويىنشا ماراپاتتالىپ، اقشالاي سىيلىققا يە بولدى.
سونداي-اق، «رۋحاني جاڭعىرۋ» باعدارلاماسى اياسىندا تالدىقورعاندا قازاق جانە ورىس تىلدەرىنە اۋدارىلعان اعىلشىن اۆتورلارىنىڭ بريتاندىق توماس پەن ليۋسي اتكينسوننىڭ قازاقستانعا ساياحاتى جانە ۇلى دالا تاريحىن ءتۇرلى كەزەڭدەردە زەرتتەگەندەردىڭ زەرتتەۋلەرى مەن شىتىرمان وقيعالارى تۋرالى ەكى كىتاپتىڭ تۇساۋى كەسىلدى. ءىس-شاراعا ونلاين-بايلانىس رەجيمىندە ق ر ۇلىبريتانيا جانە سولتۇستىك يرلانديا بىرىككەن كورولدىگىندەگى توتەنشە جانە وكىلەتتى ەلشىسى ەرلان ىدىرىسوۆ قاتىسىپ، قازاقستان مەن ونىڭ حالقىنىڭ تاريحىنا قاتىستى ەكى كىتاپتىڭ اۋدارماسىن باسىپ شىعارعانىن اتاپ ءوتتى.
سونداي-اق، ەسكەلدى اۋدانىندا مەرەكەگە وراي الماتى وبلىسىندا قاتارىنان 24 رەت ۇلتتىق سپورت تۇرلەرىنەن «سونار – 2021» رەسپۋبليكالىق ءتۋرنيرى ءوتتى. بيىلعى جىلى جارىسقا رەسپۋبليكادان 11 كوماندا قاتىستى. 80-نەن استام بۇركىتشى ءوز شەبەرلىكتەرىن كورسەتتى، ولاردىڭ اراسىندا حالىقارالىق جانە رەسپۋبليكالىق جارىستاردىڭ بىرنەشە دۇركىن جەڭىمپازدارى بار.
وڭىردە مەرەكەگە وراي 30 سپورتتىق-بۇقارالىق ءىس-شارا ۇيىمداستىرىلدى. جەتىسۋداعى جاعىمدى جاڭالىقتار مۇنىمەن شەكتەلمەيدى. تاۋەلسىزدىكتىڭ 30 جىلدىعىنا وراي وڭىردە ءبىرقاتار ءىرى ينفراقۇرىلىمدىق، يندۋستريالىق جانە الەۋمەتتىك-مادەني نىساندار اشۋ جوسپارلانۋدا.