رەسپۋبليكا سارايىندا قازاقستاننىڭ تۇڭعىش پرەزيدەنتى – ەلباسى نۇرسۇلتان نازاربايەۆتىڭ كۇنى قۇرمەتىنە وراي مەرەكەلىك كونسەرت ءوتتى
ءىس-شاراعا عىلىمي جانە شىعارماشىلىق زيالى قاۋىم وكىلدەرى، قالانىڭ قۇرمەتتى تۇرعىندارى، ارداگەرلەر كەڭەسىنىڭ، قوعامدىق بىرلەستىكتەردىڭ، جاستار مەن بالالار ۇيىمدارىنىڭ مۇشەلەرى شاقىرىلدى. كونسەرت باستالار الدىندا كورەرمەندەرگە ەلباسىنىڭ مەملەكەتتىلىكتى قالىپتاستىرۋ مەن نىعايتۋداعى ەرەكشە رولىنە ارنالعان بەينە كورىنىس كورسەتىلدى، دەپ حابارلايدىفھھalmaty-akshamy.kz
كونسەرتتە روزا رىمبايەۆا، الىشەر كارىموۆ، «مۋزارت» مۋزىكالىق توبى، «كەشيۋ» توبى جانە باسقا دا قازاقستاندىق ارتىستەر ونەر كورسەتتى. ن. نازاربايەۆ جازعان اندەر، سونداي-اق تۇڭعىش پرەزيدەنتتىڭ ءومىرى مەن قىزمەتىنە ارنالعان شىعارمالار ورىندالدى.
«اعىمداعى جىل ءبىزدىڭ مەملەكەتىمىزدىڭ ومىرىندە ماڭىزدى بولىپ تابىلادى. قازاقستان تاۋەلسىزدىگىنىڭ 30 جىلدىعى – ءبارىمىز ءۇشىن تاريحي كۇن. وسى جىلدار ىشىندە ءبىزدىڭ مەملەكەتىمىز بەن حالقىمىز ايتارلىقتاي بيىكتەرگە جەتتى. قىسقا مەرزىم ىشىندە ءبىزدىڭ ەلىمىز الەمدىك ارەناعا شىقتى. ەلباسى ن. نازاربايەۆتىڭ باسشىلىعىمەن ءبىز ەڭ باستى مىندەتتەردى شەشتىك – قازاقستاننىڭ شەكاراسىن بەلگىلەدىك، يادرولىق قارۋدان باس تارتتىق، ەكونوميكانىڭ قالىپتاسۋى ءوتتى. ۇلتتىق قور قۇرىلىپ، ۇلتتىق ۆاليۋتا قابىلداندى. وسى جىلدار ىشىندە ءبىزدىڭ مەملەكەتىمىز الەمدىك قوعامداستىقتا تەڭ قۇقىلى ارىپتەس رەتىندە ورنىقتى»، - دەپ اتاپ ءوتتى قالالىق ارداگەرلەر كەڭەسىنىڭ ءتوراعاسى اقان بيجانوۆ.
ءوز كەزەگىندە قازاقستاننىڭ حالىق ءارتىسى روزا رىمبايەۆا تاۋەلسىزدىكتىڭ باستى قۇندىلىقتارىن اتاپ ءوتتى.
«مەملەكەت ءۇشىن 30 جىل از دا، كوپ تە ەمەس. وسى ۋاقىت ىشىندە ءبىز ءوسىپ، جەتىلدىك، مەملەكەتىمىزدىڭ دامۋ باعىتىن انىقتادىق. جىل سايىن ءبىزدىڭ ەلىمىز ءوز پوزيسياسىن نىعايتىپ، دامۋشى ەلدەر توبىنا كىرۋدە. حالقىمىزدىڭ ورتاق كۇش-جىگەرىنىڭ ارقاسىندا ءبىزدىڭ قوعامىمىزداعى بەيبىت اسپان، يگىلىك، دوستىق ءاردايىم ەلباسى ن. نازاربايەۆتىڭ قامقورلىعىندا. بارشا قازاقستاندىقتاردى تۇڭعىش پرەزيدەنت كۇنىمەن قۇتتىقتايمىن!»، - دەدى ر. رىمبايەۆا.
«جىگىتتەر» توبىنىڭ مۇشەسى ايدار تۇرعامبەك تۇڭعىش پرەزيدەنتتىڭ قازاقستاننىڭ دامۋىنداعى زور ءرولىن اتاپ ءوتتى.
«بارشا الماتىلىقتاردى تۇڭعىش پرەزيدەنت كۇنىمەن شىن جۇرەكتەن قۇتتىقتايمىز! نۇرسۇلتان نازاربايەۆ ەلىمىز ءۇشىن كوپ جۇمىس جاسادى. ەلباسىنىڭ قاسيەتتى تۇركىستان قالاسىنا رۋحاني استانا مارتەبەسىن بەرۋ جونىندەگى باستاماسى مەن ءۇشىن ەرەكشە ورىن الادى. مەن ءوزىم تۇركىستان وبلىسىنان كەلدىم، تاۋەلسىزدىكتىڭ 30 جىلى ىشىندە بۇل ولكەدە كوپ نارسە وزگەردى جانە ەلباسىنىڭ جەكە قاتىسۋىنىڭ ارقاسىندا كوركەيە ءتۇستى»، - دەدى ا. تۇرعامبەك.