كوروناۆيرۋس. الەم جاڭالىقتارى

60 جاستان اسقان ادامدارعا ساپاردى كەيىنگە قالدىرۋ ۇسىنىلدى

دۇنيەجۇزىلىك دەنساۋلىق ساقتاۋ ۇيىمى كوروناۆيرۋستىڭ جاڭا شتامىنىڭ انىقتالۋىنا بايلانىستى حالىقارالىق ساپارلارعا شىعاتىن ادامدارعا ۇسىنىمدار ازىرلەدى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-قا سىلتەمە جاساپ.
 
بۇل 60 جاستان اسقان، سوزىلمالى اۋرۋلارى، قانت ديابەتى نەمەسە ونكولوگياسى بار ادامدارعا قاتىستى بولماق. 

«اۋىر اعىمداعى COVID-19 اۋرۋى مەن ءولىم-جىتىم ءقاۋپى بار ازاماتتار، ونىڭ ىشىندە 60 جاستان اسقان ادامدار ساپاردى كەيىنگە قالدىرۋى كەرەك»، - دەپ اتاپ ءوتتى ددۇ. 

ساپاردان باس تارتپايتىن تۋريستەرگە سانيتارلىق تالاپتاردى قاتاڭ ساقتاۋ، دەنساۋلىعىن باقىلاۋ، كۆي بەلگىلەرىنە ءجىتى نازار اۋدارۋ، ۆاكسينا سالۋ جانە كوروناۆيرۋسپەن اۋىرماۋ ءۇشىن قورعانىس شارالارىن ساقتاۋ ۇسىنىلادى.

ءازىربايجاندا كوروناۆيرۋس ينفەكسياسىنىڭ تارالۋى دارىگەرلەردىڭ مالىمدەۋىنشە، باقىلاۋدا. وتكەن تاۋلىكتە ەلدە 1 678 ۆيرۋس جۇقتىرۋ وقيعاسى انىقتالدى. ءبىر كۇن بۇرىن بۇل كورسەتكىش 1 934 بولعان ەدى. وسىلايشا، پاندەميا باستالعالى رەسپۋبليكادا 588 318 SARS-CoV-2 تاسىمالداۋشىسى جانە 7 856 ناۋقاستىڭ اۋرۋ سالدارىنان كوز جۇمۋ دەرەكتەرى تىركەلدى. قازىرگى ۋاقىتتا بۇكىل ەل بويىنشا دارىگەرلەردىڭ باقىلاۋىندا 25 713 ينفەكسيا جۇقتىرعان پاسيەنت بار.