1 جەلتوقسان كۇنى اباي اتىنداعى قازاق ۇلتتىق وپەرا جانە بالەت تەاترىندا الماتى اكىمدىگىنىڭ قولداۋىمەن اتاقتى سكريپكاشى مارات بيسەنعالييەۆتىڭ شىعارماشىلىق كەشى ءوتتى، دەپ حابارلايدى Almaty-akshamy.kz.
اباي اتىنداعى قازۇاوبت ساحناسىندا وتاندىق جانە شەتەلدىك كومپوزيتورلاردىڭ، سونىڭ ىشىندە اعىلشىن كارل دجەنكينس پەن دجاز ساكسوفونيسى نايدجەل حيچكوكتىڭ شىعارمالارى ورىندالدى.
قازاقستاندىق سكريپكا ونەرىنىڭ مەترى مارات بيسەنعالييەۆ «الماتى – تاۋەلسىزدىكتىڭ التىن بەسىگى» كونسەرتى اياسىندا جەكە باعدارلاما ورىندادى. مەرەكە كۇنى ءبىزدىڭ زامانىمىزدىڭ ەڭ ۇزدىك سكريپكاشىلارىنىڭ ءبىرىن تىڭداۋعا جۇزدەگەن كلاسسيكالىق مۋزىكا باعالاۋشىلارى كەلدى.
ساحنا سىرتىندا مارات بيسەنعالييەۆ ءارقاشان قازاقستاننىڭ پاتريوتى بولىپ قالا بەرەتىنىن راستادى. بۇگىن، مەرەيلى تويدىڭ قارساڭىندا، جاس مەملەكەتتىڭ تاريحىن تەبىرەنىسپەن ەسكە الىپ، ءوز باعدارلاماسىن وسى تاريحي وقيعاعا ارنايدى.
«30 جىل ءوتتى دەگەنگە سەنە المايمىن. تاۋەلسىزدىك العان كۇن ەسىمدە قالدى. وسى جىلدار ىشىندە ۇلكەن وزگەرىستەر بولدى، ەلدىڭ مادەني ءومىرى الەمدىك دەڭگەيگە شىقتى، ءبىزدىڭ مۋزىكانتتارىمىزدى بۇكىل الەم بىلەدى جانە باعالايدى. ءبىز تاۋەلسىزدىگىمىزدى، بوستاندىعىمىزدى باعالاي ءبىلۋىمىز كەرەك»، - دەپ اسەرىمەن ءبولىستى ساحنا سىرتىندا اسقان ۆيرتۋوز سكريپكاشى، ديريجەر، ەلىمىزدىڭ ەڭبەك سىڭىرگەن قايراتكەرى م.بيسەنعالييەۆ.
كونسەرتتىڭ نەگىزگى باعدارلاماسى كلاسسيكالىق مۋزىكاعا ارنالعانىنا قاراماستان، كورەرمەندەر قازاقتىڭ ۇلتتىق شىعارمالارىنان ۇزىندىلەر دە تىڭدادى. كونسەرتتە كورەرمەندەر العاش رەت بريتاندىق كومپوزيتورلار كارل دجەنكينس پەن دجازمەن نايدجەل حيچكوكتىڭ سيۋيتاسىنان ميكس تىڭدادى. سونداي-اق، قازۇاوبت-تىڭ ۇلكەن ساحناسىندا العاش رەت پاتەلي مەن اندەرسوننىڭ شىعارمالارى ورىندالدى. العاش رەت شەتەل كومپوزيتورلارىنىڭ مۋزىكالىق تۋىندىلارى قازاق حالىق اسپاپتارىمەن سۇيەمەلدەندى.
ماەسترو كونسەرتىنىڭ قۇرمەتىنە الماتىعا ونىڭ قىزى – بريتاندىق اكتريسا جانە ءانشى ارۋحان بيسەنعالييەۆا كەلدى. ول قازاق فولكلورلىق مۋزىكا ستيلىندە بىرنەشە جەكە پارتيالاردى كەرەمەت ورىندادى.