اۋرۋلاردىڭ ايىرماشىلىعى تۋرالى دارىگەر-تەراپيەۆت يرينا اندرەيەۆا تۇسىنىكتەمە بەردى.
"اۋرۋ بەلگىلەرىن (سيمپتومدارىن) ناقتى تىزبەكتەپ بەرۋ مۇمكىن ەمەس. سايىپ كەلگەندە، تەك كوروناۆيرۋس تەستى نەمەسە دارىگەر انىق-قانىعىن ناقتىلاي الادى. الايدا، ايىرماشىلىقتار، ارينە بار، مىسالى، اۋرۋ بەلگىلەرىنىڭ جيىلىگىنە بايلانىستى"، - دەپ مەديكفورۋم اندرەيەۆانىڭ ءسوزىن كەلتىرەدى.
سۋىق تيۋ
بەلگىلەرى: مۇرىننان سۋ اعۋ، جوتەل، تاماقتىڭ اۋرۋى.
سيرەك ورىن الاتىن تاعى ءبىر بەلگىلەرى: جوعارى تەمپەراتۋرا نەمەسە اسا جوعارى تەمپەراتۋرا.
ينكۋباسيالىق كەزەڭى: ينكۋباسيالىق كەزەڭ ءار ءتۇرلى بولۋى مۇمكىن: ەكى كۇننەن 14 كۇنگە دەيىن.
ۇزاقتىعى مەن جۇقپالىلىعى: سۋىق تيۋ، ادەتتە ءبىر اپتا بويىندا جۇقپالى دەپ سانالادى.
COVID-19
بەلگىلەرى: جوتەل، مۇرىننان سۋ اعۋ، تاماقتىڭ اۋرۋى، دەنەنىڭ قىزۋى.
سونداي-اق پايدا بولۋى مۇمكىن تاعى ءبىر بەلگىلەرى: باس اۋرۋى، دەنەنىڭ اۋىرۋى، جالپى السىزدىك، ەنتىگۋ.
سيرەك ورىن الاتىن تاعى مىنانداي بەلگىلەر بولۋى مۇمكىن، مىسالى: جۇرەكتىڭ اينۋى، ءىشتىڭ ءوتۋى، ياعني ديارەيا، كونيۋنكتيۆيت، تەرىنىڭ ءبورتۋى، ليمفا تۇيىندەرىنىڭ ءىسىنۋى.
ۇزاقتىعى: اۋرۋدىڭ ءجۇرۋ ۇزاقتىعى ونىڭ اۋىرلىعىنا بايلانىستى.
"اۋرۋدىڭ جەڭىل جانە ورتاشا اۋىر ءتۇرىنىڭ بەلگىلەرى پايدا بولعاننان كەيىن 10 كۇننەن سوڭ جۇقتىرۋ قابىلەتى ايتارلىقتاي تومەندەيدى. الايدا، كەيبىر اۋىر ناۋقاستاردا اۋرۋ باستالعاننان 8-15 كۇن وتكەننەن سوڭ جاعدايدىڭ ناشارلاۋى بايقالادى"، – دەپ تۇسىندىرەدى اندرەيەۆا.
تۇماۋ
بەلگىلەرى: سۋىق تيۋ بەلگىلەرى كوروناۆيرۋس ينفەكسياسىنا ۇقساس بولعانىمەن، تۇماۋدىڭ بەلگىلەرى ولاردان ايتارلىقتاي ەرەكشەلەنەدى.
تۇماۋ بەلگىلەرى: قالشىلداۋ، باس اۋرۋى جانە/نەمەسە ونە-بويدىڭ اۋرۋى.
سونداي-اق تاعى مىنانداي بەلگىلەر دە كورىنىس تابۋى مۇمكىن: اۋىز جاپتىرمايتىن قۇرعاق جوتەل، جالپى السىزدىك، تەر باسۋ، مۇرىننان سۋ اعۋ، جۇرەكتىڭ اينۋى، قۇسۋ، ديارەيا.
ينكۋباسيالىق كەزەڭى: قىسقا جانە ورتاشا ەسەپپەن 1-2 كۇن.
ۇزاقتىعى جانە جۇقپالىلىعى: اۋرۋدىڭ ۇزاقتىعى ادەتتە 5-7 كۇن. الايدا، اۋرۋ اسقىنعان جاعدايدا ناۋقاستاردا اۋرۋ بەلگىلەرى پايدا بولعاننان كەيىن شامامەن 3-10 كۇننەن كەيىن ناشارلاۋ ءجيى كەزدەسەدى.
"اسىرەسە ەگدە جاستاعى ادامدار قاتتى جاپا شەگەدى. تۇماۋمەن اۋىراتىن ناۋقاستاردا اۋرۋدىڭ العاشقى بەلگىلەرى پايدا بولعاننان كەيىن ءبىر اپتا بويىندا جۇقپالىلىعى ساقتالادى".