ينكليۋزيۆتى ورتا: الماتى اكىمدىگىنىڭ عيماراتى رەكونسترۋكسيادان كەيىن بارلىق ازاماتتار ءۇشىن قولجەتىمدى بۇل تۋرالى باس مەردىگەر، «اتريكس-ستروي» ج ش س قۇرىلىس كومپانياسىنىڭ ديرەكتورى ءامىرجان نابييەۆ ايتتى.
الماتىداعى قالالىق اكىمدىك عيماراتى 1978 جىلعى ەسكى سىزبالار بويىنشا قالپىنا كەلتىرىلدى. نىساندى قايتا قۇرۋ 2022 جىلدىڭ اقپانىندا باستالدى. عيماراتتىڭ ارحيتەكتۋرالىق ءستيلى تولىعىمەن ساقتالدى، ەدەندەردەگى، باعاندارداعى، توبەلەردەگى ءمارمار جابىنى، سونداي-اق جەز ەلەمەنتتەر قالپىنا كەلتىرىلدى.
«78ء-شى جىلدىڭ جوبالىق شەشىمىندە بولعان سۋرەت قايتا جاسالدى. ءتىپتى كابينەتتەردىڭ كونفيگۋراسياسى وزگەرگەن جوق، تەك 3 پاۆيلوندا ورنالاسقان قوعامدىق قابىلداۋ بولمەسىنىڭ كونفيگۋراسياسى وزگەردى. ءبىز بىرنەشە كابينەتتى بىرىكتىرىپ، العاش رەت وسى عيماراتتا حالىقتىڭ بارلىق ساناتتارى، سونىڭ ىشىندە موبيلدىلىگى تومەن ازاماتتار ءۇشىن كەدەرگىسىز قولجەتىمدىلىكتى قامتاماسىز ەتتىك»، - دەپ اتاپ ءوتتى ءا.نابييەۆ.
بۇل ايماق بانكتىك قىزمەت كورسەتۋ قاعيداتى بويىنشا جابدىقتالعان: ادام كەلىپ، ازاماتتاردىڭ وتىنىشتەرىنە جەدەل تۇردە جاۋاپ بەرەتىن مامانعا تالون بەرىلەدى.
«كەڭەس زامانىندا عيماراتتاردى سالۋ كەزىندە حالىقتىڭ موبيلدىلىگى تومەن توپتارىنىڭ قولجەتىمدىلىگىن قامتاماسىز ەتۋگە باعىتتالعان ستاندارتتار كوزدەلمەگەن. ءبىز سونىڭ ءبارىن ەسكەردىك، اكىمدىك عيماراتىندا ناشار كورەتىندەردى ناۆيگاسيالاۋعا ارنالعان تاكتيلدى پليتكالار بار، ءبىرىنشى پاۆيلون جاعىنان مۇگەدەك ادامدارعا ارنالعان پاندۋس قاراستىرىلعان، جەلتوقسان جانە ساتبايەۆ كوشەلەرى جاعىنان از قامتىلعان ازاماتتارعا ارنالعان جولدار بار»، - دەدى ءا. نابييەۆ.
عيماراتتى قالپىنا كەلتىرۋ كەزىندە ينكليۋزيۆتى شەشىمدەردى ەنگىزۋ ارقىلى ازاماتتاردىڭ بارلىق ساناتتارى ءۇشىن جايلىلىق پەن كەدەرگىسىز ورتانى قامتاماسىز ەتۋ ماڭىزدى كريتەريي بولدى. اكىمدىك عيماراتىندا ليفتىلەر، ەلەكتر كوتەرگىش، مۇگەدەكتىگى بار ادامدارعا ارنالعان جۋىناتىن بولمەلەر جانە موبيلدىلىگى تومەن توپتارعا ارنالعان ارنايى تاڭبالاۋ، پاندۋستار، شاقىرۋ تۇيمەلەرى، براۋل ءالفاۆيتى بار.