الماتى اكىمدىگىنىڭ عيماراتىن قالپىنا كەلتىرۋدە ورتكە ءتوزىمدى ماتەريالدار پايدالانىلدى
بۇل تۋرالى باس مەردىگەر، «اتريكس-ستروي» ج ش س قۇرىلىس كومپانياسىنىڭ ديرەكتورى ءامىرجان نابييەۆ ايتىپ بەردى، دەپ حابارلايدى almaty-akshamy.kz
قاڭتار وقيعاسى كەزىندە اكىمدىك عيماراتى ءتورت كۇن بويى ورتەندى. پاركەت، اعاش ەسىكتەر، تەرەزەلەر وتقا وراندى. ءقازىر جانبايتىن اليۋمينيي تەرەزەلەر ورناتىلدى، بارلىق قاباتتا جانبايتىن پليتكا قويىلدى. بارلىق ماتەريال وتقا ءتوزىمدى. بۇگىندە ءورت ءسوندىرۋ جۇيەلەرىنىڭ ءوزى ءورتتى قىسقا مەرزىمدە، ءتىپتى ادامنىڭ قاتىسۋىنسىز دا وقشاۋلاۋعا مۇمكىندىك بەرەدى. مۇنىڭ ءبارى اۆتوماتتى تۇردە جۇمىس ىستەيدى.
بۇل ءبىرىنشى ساناتتى قامتاماسىز ەتۋ عيماراتى: ونىڭ ەكى ەسىگى بار، ديزەل گەنەراتورى تۇرىندەگى بالاما قۋات كوزى دە بار. بۇعان قوسا، ءتىپتى كۇردەلى جاعدايدىڭ وزىندە بۇكىل جۇيەنىڭ اۆتونومدى جۇمىس ىستەۋىنە مۇمكىندىك بەرەتىن ۇزدىكسىز جۇيەلەر ورناتىلعان. ءارى مۇنداعى ءۇش پاۆيلون اۆتونومدى جانە تاۋەلسىز جاسالعان. بۇرىن ءبارى ءبىر جۇيەدە بولاتىن.