الماتىلىق ماماندار جرۆي مەن تۇماۋدىڭ سىرقاتتانۋشىلىق جاعدايى تۋرالى ايتتى
اينالىمداعى تۇماۋ ۆيرۋستارىنىڭ اراسىندا ا / H3N2 باسىم. بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ ونلاين بريفينگى بارىسىندا الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ وكىلدەرى حابارلادى.
الماتى قالاسىندا ءجىتى رەسپيراتورلىق ۆيرۋستىق ينفەكسيالارمەن (جرۆي) سىرقاتتانۋشىلىقتىڭ باقىلاۋ دەڭگەيىنەن اسپايتىن ماۋسىمدىق ءوسۋى بايقالادى.
وتكەن 5 اپتادا جرۆي - ءنىڭ 19525 جاعدايى تىركەلدى، 100 مىڭ تۇرعىنعا شاققانداعى سىرقاتتانۋشىلىق كورسەتكىشى-875،72 قۇرادى، بۇل وتكەن جىلدىڭ ۇقساس كەزەڭىنىڭ كورسەتكىشى دەڭگەيىندە (19485 جاعداي) جانە الدىڭعى اپتانىڭ كورسەتكىشىنەن 34،7% - عا تومەن(29921 جاعداي).
قالادا تۇماۋ ۆيرۋستارىنىڭ ا / H3N2 ءتۇرى تارالۋدا. اعىمداعى جىلدىڭ ەپيدەميولوگيالىق ماۋسىمنىڭ قاراشا ايىنىڭ باستاپ زەرتحانالىق راستالعان تۇماۋدىڭ 232 جاعدايى تىركەلدى، ناۋقاستارعا ەم تاعايىندالعان، جاعدايلارى قاناعاتتانارلىق.
قالادا ءجىتى رەسپيراتورلىق ۆيرۋستىق ينفەكسيالاردىڭ باسقا ۆيرۋستارى:رينوۆيرۋس، بوكاۆيرۋس، رس ۆيرۋس،ادەنوۆيرۋس، پاراگريپپ، ماۋسىمدىق كوروناۆيرۋس اينالىمدا ءجۇر.
تۇماۋدىڭ الدىن الۋ ماقساتىندا ەپيدەمياعا دەيىنگى ماۋسىمدا تۇماۋعا قارسى بارلىعى 257 495 ادام ۆاكسيناسيالاندى، بۇل قالانىڭ جالپى حالقىنىڭ 11،5% - نا قۇرادى، ونىڭ ىشىندە جەرگىلىكتى بيۋدجەت قاراجاتىنا «گريپپول پليۋس» ۆاكسيناسىمەن «تاۋەكەل توبىنداعى» 250000 ادام (مەديسينا قىزمەتكەرلەرىن، مەديسينالىق ۇيىمداردا مەديسينالىق باقىلاۋعا جاتاتىن بالالاردى، التى ايدان اسقان كوپ اۋىراتىن بالالاردى، جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان ءبىلىم بەرۋ ۇيىمدارى، سابيلەر ۇيلەرى بالالارىن، جۇرەك-قانتامىرلىق جۇيەسىنىڭ جانە تىنىس الۋ مۇشەلەرىنىڭ سوزىلمالى اۋرۋلارى بار ادامدار، جانە ەپيدەميولوگيالىق كورسەتىمدەرى بويىنشا مەديسينالىق-الەۋمەتتىك مەكەمەلەردىڭ (ۇيىمداردىڭ) قىزمەت الۋشىلار، جۇكتىلىكتىڭ 2ء-شى نەمەسە 3ء-شى تريمەسترىندە جۇكتى ايەلدەر)، اقىلى نەگىزدە جۇمىس بەرۋشىلەردىڭ قاراجاتىنا 6202 ادام جانە ءوز قاراجاتىنا 1293 ادام ەگىلدى.
اۋىرعان بالالاردىڭ ۇلەس سالماعى 59،2% قۇرايدى.
بريفينگكە الماتى قالاسى قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى نازگۇل يمانعالييەۆا دا قاتىستى، ول قالانىڭ مەديسينالىق ۇيىمدارىندا جرۆي دياگنوزىمەن امبۋلاتوريالىق ەمدەلۋدە 14 جاسقا دەيىنگى بالالار - 11 552، 15-17 جاستاعى جاسوسپىرىمدەر – 2 011، ەرەسەكتەر - 5 962، ونىڭ ىشىندە جۇكتى 330 ادام بار ەكەنىن حابارلادى.
سپيكەر جۋرناليستەردىڭ ۆاكسيناسيادان كەيىن تۇماۋمەن اۋىرۋ مۇمكىن بە دەگەن سۇراعىنا جاۋاپ بەردى.
«ۆاكسيناسيادان كەيىن پاتولوگيانىڭ اۋىر اعىمىنىڭ ىقتيمالدىعى ايتارلىقتاي تومەندەيتىنىن ءتۇسىنۋ ماڭىزدى. ول ءىس جۇزىندە نولگە ۇمتىلادى. ادام ۆاكسيناسيادان كەيىن اۋىرىپ قالسا دا، اۋىر اسقىنۋلارعا تاپ بولمايدى»،- دەدى الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى قاسىمحان الپىسباي ۇلى.
تۇماۋ اۋرۋىنىڭ الدىن الۋدىڭ ەڭ ءتيىمدى ادىسى-ۆاكسيناسيا.
«قالا بويىنشا تۇماۋ، جرۆي جانە كوروناۆيرۋس اۋرۋلارىنىڭ مونيتورينگى جالعاسۋدا، ەپيدەميولوگيالىق جاعداي باقىلاۋدا»، - دەپ تولىقتىردى دەپارتامەنتتە.
جرۆي، تۇماۋمەن سىرقاتتانۋشىلىق كۇشەيگەن كەزەڭىندە ەپيدەميولوگتار حالىققا الدىن الۋ شارالارىن ساقتاۋدى ۇسىنادى:
- دارىگەردىڭ تاعايىنداۋىمەن يممۋنداۋ جۇيەسىن كوتەرۋ: س دارۋمەنىن، وكسولين جاقپا مايىن قولدانۋ؛
- جاپپاي ءىس-شارالار وتەتىن ورىندارعا بارۋدى قىسقارتۋ، بولمەلەردە ىلعالدى جيناۋ جۇرگىزىپ، جەلدەتۋ، جرۆي-مەن ناۋقاستانعاندارمەن قارىم-قاتىناستا بولماۋعا تىرىسۋ، قارىم-قاتىناستا بولعان جاعدايدا بەتپەردە كيىپ، جەكە گيگيەنا ەرەجەلەرىن ساقتاۋ قاجەت؛
- اۋىرعان جاعدايدا ۇيدە بولۋ كەرەك، ءوز بەتىنشە ەم قابىلداماي، مەديسينا قىزمەتكەرىن شاقىرۋ كەرەك، تۇشكىرۋ جانە جوتەلۋ كەزىندە اۋىزدى قولمەن، مايلىقپەن، ورامالمەن جاۋىپ، قولدى مۇمكىندىگىنشە ءجيى جۋۋ قاجەت؛
- ناۋقاس بالالاردى مەكتەپتەرگە، مەكتەپكە دەيىنگى بالالار مەكەمەلەرىنە، مادەني-بۇقارالىق ءىس-شارالار وتكىزىلەتىن ورىندارعا جىبەرمەۋ.