الماتىدا كوروناۆيرۋس ينفەكسياسى بويىنشا ەپيدەميولوگيالىق جاعداي تۇراقتى. جىل باسىنان بەرى قالادا كوروناۆيرۋستىق ينفەكسيانىڭ زەرتحانالىق راستالعان 217 جاعدايى تىركەلدى، ونىڭ 14% 14 جاسقا دەيىنگى بالالار. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى، قالانىڭ باس مەملەكەتتىك سانيتارلىق دارىگەرى قاسىمحان الپىسباي ۇلى حابارلادى.
«سوڭعى 7 كۇندە اۋرۋدى جۇقتىرعاندار سانى 1،5%-عا ءوستى. الدىڭعى 7 كۇندە 29 جاعدايعا قارسى 42 ينفەكسيا جاعدايى تىركەلدى»، - دەدى ق. الپىسباي ۇلى.
ەپيدەميولوگتار ينفەكسيانىڭ الدىن الۋدا ۆاكسيناسيانىڭ ماڭىزدىلىعىن اتاپ وتەدى. مامان كوروناۆيرۋستىق ينفەكسيادان قورعانۋدىڭ جالعىز ءادىسى - ۆاكسيناسيا ەكەنىن ەسكە سالدى.
«كوروناۆيرۋستىق ينفەكسيانى جۇقتىرۋدىڭ الدىن الۋ ءۇشىن قورعانىس ماسكالارىن قولدانۋ جانە ادام كوپ جينالاتىن جەرلەرگە بارۋدان جانە تەمپەراتۋراسى جوعارى ناۋقاستارمەن بايلانىستا بولۋدان باس تارتۋ ۇسىنىلادى. اۋرۋدىڭ الدىن الۋ ءۇشىن ءۇي-جايلاردى ۇنەمى جەلدەتىپ وتىرۋ، دىمقىل تازالاۋ، سونداي-اق جەكە گيگيەنا ەرەجەلەرىن ساقتاۋ ۇسىنىلادى»، - دەپ ءبولىستى ق. الپىسباي ۇلى.
دەپارتامەنت مالىمەتىنشە، جىل باسىنان بەرى تىركەلگەن 217 جاعدايدىڭ ىشىنەن انىقتالعانى:
* وزدىگىنەن قارالعاندار – 190 جاعداي؛
* پروفيلاكتيكالىق ماقساتتا – 17 جاعداي؛
* ەپيدەميولوگيالىق كورسەتكىشتەر بويىنشا – 10 جاعداي.
جىل باسىنان بەرى COVID-19 ينفەكسياسىن جۇقتىرعان ادامداردىڭ جاس قۇرامى بويىنشا:
* 1 جاسقا دەيىنگى بالالار – 21 جاعداي ؛
* 14 جاسقا دەيىن – 30 جاعداي؛
* 15-19 جاس ارالىعىنداعى جاسوسپىرىمدەر اراسىندا – 8 جاعداي؛
* 20-39 جاس ارالىعىنداعى ازاماتتار – 76 جاعداي؛
* 40-59 جاس ارالىعىنداعى ازاماتتار – 34 جاعداي؛
* 60 جاس جانە ودان جوعارى – 69 جاعداي تىركەلدى.