قازاقستان رەسپۋبليكاسىنىڭ ۇلتتىق بانكى بجزق زەينەتاقى اكتيۆتەرى ەسەبىنەن "ەير استانا" اق-نىڭ جاي اكسيالارىن باستاپقى ورنالاستىرۋعا (IPO) قاتىساتىنىن مالىمدەدى.
ونىڭ اياسىندا 2024 جىلعى 14 اقپاندا بجزق زەينەتاقى اكتيۆتەرىنىڭ ينۆەستيسيالىق پورتفەلىنە 1 اكسيا ءۇشىن 1 073،83 تەڭگە باعامەن 24،9 ملرد تەڭگەگە «ەير استانا» اق-نىڭ جاي اكسيالارى ساتىپ الىندى. «ەير استانا» اق-نىڭ ساتىپ الىنعان جاي اكسيالارىنىڭ جالپى سانى 23 168 975 دانانى نەمەسە شىعارىلعان كومپانيا اكسيالارىنىڭ جالپى سانىنىڭ6،5%-ىن قۇرادى.
قازاقستاننىڭ جوعارى ساپالى ەميتەنتتەرىنىڭ جاي اكسيالارىن ساتىپ الۋ بجزق زەينەتاقى اكتيۆتەرىنىڭ ينۆەستيسيالىق پورتفەلىن ءارتاراپتاندىرۋعا باعىتتالدى جانە ۇزاقمەرزىمدى پەرسپەكتيۆادا ونىڭ كىرىسىن ارتتىرۋعا ىقپال ەتەدى.
بجزق زەينەتاقى اكتيۆتەرىن «ەير استانا» اق-نىڭ جاي اكسيالارىنا ينۆەستيسيالاۋ تۋرالى شەشىم تۇراقتى قارجىلىق كورسەتكىشتەرگە، سونداي-اق بولاشاقتا تۇراقتى ديۆيدەندتەر تولەۋگە مۇمكىندىك بەرەتىن كومپانيا قىزمەتىنىڭ جوعارى رەنتابەلدىلىگىنە نەگىزدەلدى. وسى ينۆەستيسيالار ءىس جۇزىندە بجزق سالىمشىلارىنا ورتالىق ازيانىڭ اۆياسيالىق نارىعىنداعى كوشباسشىلاردىڭ بىرىنە اكسيونەر بولۋعا مۇمكىندىك بەرەدى.
زەينەتاقى اكتيۆتەرىن باسقارۋ ناتيجەلەرى تۋرالى مالىمەتتەراي سايىنبجزق سايتىندا جاريالانادى.