قازگيدرومەت قازاقستان ايماقتارىندا 2 قاڭتاردا بولاتىن ءقاۋىپتى مەتەورولوگيالىق قۇبىلىستارعا بولجاۋ كونسۋلتاسياسىن جاريالادى.
اتلانتيكالىق سيكلوننىڭ جانە ونىمەن بايلانىستى اتموسفەرالىق فرونتتاردىڭ اسەرىنەن قازاقستان رەسپۋبليكاسىنىڭ بارلىق اۋماعىندا اۋا رايىنىڭ تۇراقسىز سيپاتى ساقتالۋدا.
جاۋىن-شاشىن (كوبىنەسە قار) تۇسەدى، باتىستا قار جاۋادى دەپ كۇتىلۋدە. تەك ەلدىڭ وڭتۇستىگىندە، وڭتۇستىك-باتىسىندا، وڭتۇستىك-شىعىسىندا كۇن جاۋىن-شاشىنسىز بولادى. ق ر بويىنشا تۇمان، كوكتايعاق، بۇرقاسىن، ەكپىندى جەل بولادى دەپ بولجانۋدا.
اباي وبلىسىنىڭ باتىسىندا، سولتۇستىگىندە، ورتالىعىندا، جامبىل وبلىسىنىڭ وڭتۇستىك-باتىسىندا، تاۋلى اۋداندارىندا، تاڭەرتەڭ جانە كۇندىز اقمولا وبلىسىنىڭ سولتۇستىگىندە، شىعىسىندا كەي ۋاقىتتاردا 30 م/س جانە ودان دا جوعارى قاتتى جەل كۇتىلەدى.