ۇلتتىق مۋزەيدىڭ ەكس-باسشىسى ارىستانبەك مۇحامەدي ۇلى وزىمەن بىرگە ايىپتالىپ جاتقان وزگە ءتورت ازاماتقا قاتىستى پىكىرىن ءبىلدىردى.
ءقازىر «التىن ادام كورمەسى» مەن «ديپلومات» قوناقۇيىنە قاتىستى ىستەر بىرىكتىرىلىپ، جاڭاشا ايىپتاۋ اكتىسىمەن قارالۋدا، دەپ حابارلادى كتك ارناسى.
ايىپتالۋشىلاردىڭ قاتارىندا ەكس-مينيستردەن بولەك اباي ساتىبالدين، لەونيد كوچەتوۆ، الماس نۇرازحان، ازامات كوشەنوۆ پەن ايىم ءسادۋاقاسوۆا بار. ولار بۇعان دەيىن «التىن ادامنىڭ» الەم مۇراجايلارىنداعى كورمەسى بويىنشا 7 جىلعا سوتتالعان بولاتىن. ۇكىمى شىعىپ قويعان ءىستىڭ ءقازىر «ديپلومات» قوناقۇيىنە قاتىستى ىسپەن نەگە بىرىكتىرىلگەنى بارلىعىنا بەيمالىم. ايىپتالۋشىلار ءىستىڭ ءمان-جايىن ءبىلىپ-تانۋعا ۋاقىت از دەپ شاعىمدانۋدا.
«ءقازىر سوت بولىپ جاتىر. وتىرعان جىگىتتەردىڭ ەشقايسىنىڭ كىناسى جوق. ەشقانداي قىلمىس، ەشقانداي ءىزى دە جوق. بىلايشا ايتقاندا، ەشقانداي فاكتىسى دە جوق. بارىنە «مۇحامەديۇلىنا سىيلىق اپارىپ بەردىڭدەر» دەپ ايتىڭدار دەگەن. بارلىعى «ونداي بولعان جوق» دەيدى. ولاردا نامىس بار. «ايتپاساڭدار، وتىرعىزامىز» دەدى»، - دەيدى ارىستانبەك مۇحامەدي ۇلى.