«قازگيدرومەت» رمك قازاقستاننىڭ 9 وبلىسىندا 15 قازان كۇنگى اۋا رايىنا بايلانىستى ەسكەرتۋ جاريالادى، دەپ حابارلايدى aqshamnews.kz.
جامبىل وبلىسىنىڭ سولتۇستىگىندە، وڭتۇستىگىندە، شىعىسىندا قاتتى جاڭبىر، تاۋلى اۋداندارىندا قار كۇتىلەدى. كۇندىز وبلىستىڭ سولتۇستىگىندە، وڭتۇستىگىندە نايزاعاي وينايدى دەپ بولجانىپ وتىر. تۇندە جانە تاڭەرتەڭ وبلىستىڭ باتىسىندا، سولتۇستىگىندە، تاۋلى اۋداندارىندا تۇمان تۇسەدى.
15 قازاندا ۇلىتاۋ وبلىسىنىڭ سولتۇستىگىندە، وڭتۇستىگىندە، شىعىسىندا كوكتايعاق بولادى. تۇندە جانە تاڭەرتەڭ وبلىستىڭ باتىسىندا، سولتۇستىگىندە تۇمان.
باتىس قازاقستان وبلىسىنىڭ سولتۇستىگىندە، باتىسىندا تۇمان تۇسەدى.
قاراعاندى وبلىسىنىڭ باتىسىندا، وڭتۇستىگىندە كوكتايعاق، وبلىستىڭ سولتۇستىگىندە جولداردا كوكتايعاق كۇتىلەدى. تۇندە جانە تاڭەرتەڭ وبلىستىڭ سولتۇستىگىندە، شىعىسىندا تۇمان. جولداردا كوكتايعاق بولۋى مۇمكىن.
قىزىلوردا وبلىسىندا تۇندە 1-3 گرادۋس ۇسىك كۇتىلەدى.
اتىراۋ وبلىسىنىڭ سولتۇستىگىندە، باتىسىندا، وڭتۇستىگىندە تۇمان كۇتىلەدى.
تۇركىستان وبلىسىنىڭ تاۋلى اۋداندارىندا قاتتى جاۋىن-شاشىن (جاڭبىر، قار) كۇتىلەدى. سولتۇستىك-باتىستان جەل سوعادى، كۇندىز وبلىستىڭ تاۋ اسۋلارىندا كۇشى 15-20 م/س. شىمكەنتتە 15 قازاندا تۇندە جانە تاڭەرتەڭ تۇمان تۇمشالايتىن بولادى.
الماتى وبلىسىنىڭ سولتۇستىگىندە، وڭتۇستىگىندە كەي ۋاقىتتاردا قاتتى جاڭبىر جاۋادى. سولتۇستىك-باتىستان جەل سوعادى، وبلىستىڭ وڭتۇستىگىندە، تاۋلى اۋداندارىندا جەل ەكپىنى 18-23 م/س جەتەدى.
پاۆلودار وبلىسىنىڭ سولتۇستىگىندە، شىعىسىندا تۇمان تۇسەدى.