اقش-تان ەسىرتكىنى پوشتا سالەمدەمەلەرى تۇرىندە تاسىمالداعاندار ۇستالدى، دەپ حابارلايدى aqshamnews.kz.
جەدەل ءىس-شارالاردىڭ ناتيجەسىندە الماتى، پەتروپاۆل، سەمەي، كوكشەتاۋ، شىمكەنت جانە وسكەمەن قالالارىندا حالىق تۇتىناتىن تاۋارلار تۇرىندە جاسىرىلعان ەسىرتكى زاتتارى بار پوشتا جونەلتىلىمدەرىن العان ون ادام ۇستالدى. ناتيجەسىندە شامامەن 8 كگ ماريحۋانا جانە 15 كيلوعا جۋىق گاشيش مايى تاركىلەندى. قازىرگى ۋاقىتتا سوتقا دەيىنگى تەرگەۋ جۇرگىزىلىپ جاتىر، كۇدىكتىلەر قاماۋعا الىندى.
- جىل باسىنان بەرى اگەنتتىكپەن ەسىرتكى اينالىمى فاكتىلەرى بويىنشا 93 قىلمىستىق ءىس تىركەلگەن. زاڭسىز اينالىمنان 52 كگ ەسىرتكى تاركىلەندى، ونىڭ ىشىندە گاشيش – 8،7 كەلى بولسا، ماريحۋانا – 4،8 كەلى، -دەيدى ق ر قارجىلىق مونيتورينگ اگەنتتىگىنىڭ رەسمي وكىلى الىبەك ءابدىلوۆ.