وقۋ-اعارتۋ ءمينيسترى 2022-2023 وقۋ جىلىن اياقتاۋ جانە وقۋشىلاردى قورىتىندى اتتەستاتتاۋدان وتكىزۋ مەرزىمىن بەكىتۋ تۋرالى بۇيرىققا قول قويدى.
بۇل تۋرالى وقۋ-اعارتۋ ءبىرىنشى ۆيسە-مينيسترى شولپان كارينوۆا الەۋمەتتىك جەلىدە جازدى، دەپ حابارلايدى اlmaty-akshamy.kz.
قۇجاتقا سايكەس، ورتا ءبىلىم بەرۋ ۇيىمدارىنداعى وقۋ ساباقتارى 2023 جىلدىڭ 31 مامىرىندا اياقتالادى.
9 (10) سىنىپتاردا ءبىلىم الۋشىلاردىڭ قورىتىندى ءبىتىرۋ ەمتيحاندارى 2023 جىلعى 2-13 ماۋسىم ارالىعىندا وتكىزىلەدى.
11 (12) سىنىپتاردا ءبىلىم الۋشىلاردىڭ مەملەكەتتىك ءبىتىرۋ ەمتيحانىندا 2023 جىلعى 5-19 ماۋسىم ارالىعىندا باقتارىن سىناپ كورەدى.
9 (10)-سىنىپ وقۋشىلارى ءۇشىن قورىتىندى اتتەستاتتاۋدى وتكىزۋ مەرزىمى:
وقىتۋ ءتىلى بويىنشا ەسسە نىسانىندا جازباشا ەمتيحان، گۋمانيتارلىق سيكل پاندەرىن تەرەڭدەتىپ وقىتاتىن مەكتەپتەر ءۇشىن – جازباشا جۇمىس (ماقالا، اڭگىمە، ەسسە) – 2023 جىلعى 2 ماۋسىم؛
ماتەماتيكا (الگەبرا) بويىنشا جازباشا ەمتيحان (باقىلاۋ جۇمىسى) – 2023 جىلعى 6 ماۋسىم؛
وزگە تىلدەردە وقىتاتىن سىنىپتاردا قازاق ءتىلى مەن ادەبيەتى بويىنشا جازباشا ەمتيحان (ماتىنمەن جۇمىس، ءماتىن بويىنشا تاپسىرمالاردى ورىنداۋ) جانە قازاق تىلىندە وقىتاتىن سىنىپتاردا ورىس ءتىلى مەن ادەبيەتى بويىنشا جازباشا ەمتيحان (ماتىنمەن جۇمىس، ءماتىن بويىنشا تاپسىرمالاردى ورىنداۋ) – 2023 جىلعى 9 ماۋسىم؛
تاڭداۋ ءپانى بويىنشا جازباشا ەمتيحان (فيزيكا، حيميا، بيولوگيا، گەوگرافيا، گەومەتريا، قازاقستان تاريحى، دۇنيەجۇزى تاريحى، ادەبيەت (وقىتۋ ءتىلى بويىنشا)، شەت ءتىلى (اعىلشىن/فرانسۋز/نەمىس)، ينفورماتيكا) – 2023 جىلعى 13 ماۋسىم؛
11 (12) سىنىپ وقۋشىلارى ءۇشىن قورىتىندى اتتەستاتتاۋدى وتكىزۋ مەرزىمى:
وقىتۋ ءتىلى بويىنشا جازباشا ەمتيحان – 2023 جىلعى 5 ماۋسىم؛
الگەبرا جانە اناليز باستامالارى بويىنشا جازباشا ەمتيحان – 2023 جىلعى 8 ماۋسىم؛
قازاقستان تاريحى بويىنشا اۋىزشا ەمتيحان – 2023 جىلعى 12 ماۋسىم؛
وزگە تىلدەردە وقىتاتىن سىنىپتاردا قازاق ءتىلى مەن ادەبيەتىنەن جانە قازاق تىلىندە وقىتاتىن سىنىپتاردا ورىس ءتىلى مەن ادەبيەتىنەن جازباشا ەمتيحان – 2023 جىلعى 15 ماۋسىم؛
تاڭداۋ ءپانى بويىنشا جازباشا ەمتيحان (فيزيكا، حيميا، بيولوگيا، گەوگرافيا، گەومەتريا، دۇنيەجۇزىلىك تاريح، قۇقىق نەگىزدەرى، ادەبيەت (وقىتۋ ءتىلى بويىنشا)، شەت ءتىلى (اعىلشىن/فرانسۋز/نەمىس)، ينفورماتيكا) – 2023 جىلعى 19 ماۋسىم.
وبلىستاردىڭ، استانا، الماتى جانە شىمكەنت قالالارىنىڭ ءبىلىم باسقارمالارى وقۋ جىلىن ۇيىمداسقان تۇردە اياقتاۋ بويىنشا ءتيىستى شارالاردى ۇيىمداستىرادى.