بايقاۋعا الەم بويىنشا 30 مىڭعا جۋىق وقۋشى قاتىسقان.
الماتىداعى فيزيكا ماتەماتيكا-باعىتىنداعى NIS وقۋشىلارى رامازان امىرە مەن سىمبات بارساعازى دايىنداعان «Aenoica» جوباسى الەمنىڭ ۇزدىك زىمىران قۇراستىرۋشىلارىنىڭ اراسىنان توپ جارىپ، ۇزدىك اتاندى، دەپ حابارلايدى Almaty-akshamy.kz Halyq Uni سايتىنا سىلتەمە جاساپ.
جوبا كۋراتورى، 11-سىنىپ وقۋشىسى رايىمبەك ابىلبەكتىڭ ايتۋىنشا، يدەيا جاڭا تەحنولوگيالاردى ەنگىزۋگە نەگىزدەلگەن.
- ءبىز 300 مىڭ تۇرعىننىڭ ۇيىنە اينالاتىن ستانسيا قۇرىپ قانا قويماي، كۆانتتىق كوممۋنيكاسيالاردى، تەحنولوگيالىق دامىعان اگروكۋلتۋرانى پايدالانا وتىرىپ، تىرشىلىكتى قامتاماسىز ەتۋ جۇيەسىن قۇردىق. ءبىزدىڭ جوبا ۇزدىكتەر قاتارىنا ەنگەنىنە قۋانىشتىمىن، - دەدى رايىمبەك.
عارىشتىق قونىستار – اقش-تىڭ NASA ۇيىمى ۇيىمداستىرعان 7-12 سىنىپ وقۋشىلارىنا ارنالعان ءداستۇرلى بايقاۋ. وعان الەمنىڭ تۇكپىر-تۇكپىرىنەن وقۋشىلار مەن ستۋدەنتتەر قاتىسىپ، ەركىن عارىشتىق قونىس تۇجىرىمداماسىن ازىرلەۋ ءۇشىن جۇمىس ىستەيدى. بيىل بايقاۋعا الەم بويىنشا 30 مىڭعا جۋىق وقۋشى قاتىسىپ، الماتىلىق وقۋشىلار 1-ورىندى يەلەندى.