الماتىلىق پوليسەيلەر 17 جاستاعى بوزبالانى توناعان تۇرعىندى ۇستادى.
پوليسيا قىزمەتكەرلەرى شابۋىل جاساعان ازاماتتىڭ “ءىزىن سۋىتپاي” ۇستادى.
«قىلمىس تۇنگى ساعات 02:00 شاماسىندا الماتىنىڭ اۋەزوۆ اۋدانىنداعى ءتۇ ءبىرىنىڭ اۋماعىندا ورىن الدى. 19 جاستاعى گ. ەسىمدى ازامات ءوتىپ بارا جاتقان جاس جىگىتتى بايقاپ قالىپ، كۇش كورسەتەمىن دەپ قورقىتىپ، IPhone ماركالى تەلەفونىن تارتىپ العان. سول ارقىلى جابىرلەنۋشىگە 300 مىڭ تەڭگە كولەمىندە ماتەريالدىق زالال كەلتىرگەن. جاس جىگىت بەيتانىس بوزبالانىڭ تالابىن ورىنداعاننان كەيىن قىلمىس تۋرالى دەرەۋ پوليسياعا حابارلاعان. وسىلايشا، قاراقشىلىق شابۋىلدىڭ بەتىن اشىپ، كۇدىكتىنى ۇستاۋعا مۇمكىندىك تۋدى»، – دەيدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
سپيكەردىڭ ايتۋىنشا، ۇستالعان ازاماتتىڭ باسقا دا وسىعان ۇقساس زاڭسىز ارەكەتتەرگە قاتىسى بار-جوعى تەكسەرىلىپ جاتىر. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابىنىڭ 1-بولىگىنە سايكەس، سوتتىڭ زاڭدى كۇشىنە ەنگەن ۇكىمىمەن ونىڭ قىلمىستىق قۇقىقبۇزۋشىلىق جاساۋداعى كىناسى انىقتالعانعا دەيىن اركىم كىناسىز دەپ ەسەپتەلەدى.