پرەزيدەنت قاسىم-جومارت توقايەۆتىڭ جولداۋىندا ەلىمىزدىڭ الەۋمەتتىك-ەكونوميكالىق ساياساتىن جاڭعىرتۋعا باعىتتالعان شارالارى وتە ماڭىزدى ەكەنىن اتاپ وتكىم كەلەدى.
كەز كەلگەن بيزنەس ءۇشىن ينۆەستيسيا قۇيۋعا بولاتىن قولايلى جاعداي، اشىقتىق پەن كاسىپكەردىڭ مۇددەسىن قورعايتىن زاڭنامانىڭ بولۋى وتە ماڭىزدى. قازىرگىدەي كۇردەلى گەوساياسي جاعدايدا مەملەكەتتىڭ ىشكى ساياسي رەفورمالارىنىڭ ورنىقتىلىعى اسا قاجەت ماسەلە. جالپى، ەكونوميكانى دامىتۋ، يندۋستريالدى-يننوۆاسياعا بەت بۇرۋ، شيكىزاتقا تاۋەلدىلىكتەن ارىلۋ نەگىزگى ماقساتتار. وتىز جىلدان بەرى تالاي باعدارلامالاردى قولعا الدىق. ءبىراق كوزدەگەن ماقساتىمىزعا ءالى دە جەتە الماي كەلەمىز. دەگەنمەن، بۇل جولعى جولداۋدىڭ ءجونى بولەك بولدى. جولداۋدا باسا ايتىلعان دۇنيەلەردىڭ ءبىرى – ەلدەگى ەڭبەك ونىمدىلىگىن كوتەرۋ. بيزنەستىڭ باسەكەلەستىگىن ارتتىرا وتىرىپ، حالىقتى جۇمىسپەن قامتۋدىڭ وزەكتىلىگى ايتىلدى. شيكىزاتقا ءالى دە تاۋەلدىمىز، ەڭبەك ونىمدىلىگى تومەندىگى، يننوۆاسيا جەتكىلىكسىزدىگىن ەسكەرە وتىرىپ، ونى شەشۋدىڭ ناقتى جولدارىن كورسەتتى. جانە دە مەملەكەت باسشىسى وتاندىق بيزنەس ءۇشىن كۇردەلى ماسەلەلەردىڭ ءبىرى – نەسيە رەسۋرستارىنىڭ جەتىسپەۋشىلىگىنە توقتالدى. ۇلتتىق بانك، قارجىنى رەتتەۋ اگەنتتىگى، ۇكىمەت ناقتى سەكتوردى تۇراقتى جانە قولجەتىمدى نەسيەلەۋدى قامتاماسىز ەتۋ ءۇشىن ناقتى شەشىمدەر تابۋى كەرەكتىگىن اتاپ ءوتتى.
ەل پرەزيدەنتى ءوز جولداۋىندا ەڭ تومەنگى ايلىقتىڭ 70 مىڭ تەڭگەگە وسەتىنىن ايتتى، بۇل 1،8 ميلليون ازاماتتىڭ كىرىسىنە تىكەلەي اسەر ەتەدى. بۇل حالىقتىڭ الەۋمەتتىك جاعدايىن جاقسارتۋعا جاسالعان ماڭىزدى قادامداردىڭ ءبىرى دەپ ويلايمىن. سونىمەن قاتار، كەڭ الەۋمەتتىك سۇرانىستى ەسكەرە وتىرىپ، ايەلدەردىڭ زەينەتكە شىعۋ جاسى 2028 جىلعا دەيىن 61 جاس بولىپ بەكىتىلەدى.
الداعى ۋاقىتتا كولىكتەردى جەتكىزۋدىڭ بارلىق زاڭسىز ارناسىنا توسقاۋىل قويۋ ءۇشىن شەشۋشى شارالار قابىلداۋى، ولاردى زاڭداستىرۋ ءۇشىن 200–250 مىڭ تەڭگەدەن اسپايتىن مولشەردە ۋتيليزاسيا جانە باستاپقى تىركەۋ ءۇشىن ءبىرجولعى الىم الۋدى ۇسىنۋى وتە قۋانتارلىق جاعداي.
سونداي-اق، پرەزيدەنت ق.ك.توقايەۆ ۇلتتىق تابىستىڭ يگىلىگىن حالىقتىڭ بارلىعى بىردەي كورىپ وتىرماعانىن دا ايتتى. وسىعان وراي، 2024 جىلدان باستاپ، «ۇلتتىق قور بالالارعا» جوباسى جۇمىس ىستەيتىن بولدى. بۇل نورما كۇشىنە ەنگەن كەزدە، ياعني 2024 جىلى 18 جاسقا تولماعان بارلىق بالانىڭ اتىنا ارناۋلى شوت اشىلادى. شوتتاعى قاراجات شەتەل ۆاليۋتاسىندا بولاتىنىن اتاپ وتكەن ءجون. سونىمەن قاتار، جيناق بويىنشا پايىزدار ەسەپتەلەدى. بۇل شارالار شوتتاعى قارجىنى ينفلياسيادان قورعاۋعا مۇمكىندىك بەرەدى. وسى وزگەرىستەردىڭ بارلىعىن ىسكە اسىرۋ ءسىز بەن ءبىزدىڭ قولىمىزدا.