قاڭتار وقيعاسىنان كەيىن يگى ۇلكەن باستامالار كوتەرىلىپ جاتىر. جاقىندا مەملەكەت باسشىسى جولداۋىندا وزەكتى ماسەلەلەردى كوتەرىپ، كوپشىلىكتىڭ كوڭىلىنەن شىقتى. سوندا پرەزيدەنت ۋاكىلەتتىگىن 7 جىلعا ۇزارتۋ ماسەلەسى ايتىلدى. حالىق اراسىندا ءتۇرلى پىكىر بار. دەگەنمەن مەنىڭشە، پرەزيدەنتىمىز الاساپىران ۋاقىتتا ساقتىققا بارا جاتىر. جان-جاقتان ءقاۋىپ بار ەكەنىن دە جاسىرمايمىز. سوندىقتان وسى ءقاۋىپتى سەيىلتۋ ءۇشىن كەزەكتەن تىس پرەزيدەنت سايلاۋىن وتكىزۋ تۋرالى شەشىم قابىلدادى. جاڭا قازاقستان قۇرۋ ماقساتىندا دا بۇل قاجەت دۇنيە بولدى.
تاعى ءبىر ايتا كەتەرلىگى، ەلوردا اتاۋىنىڭ وزگەرۋى ورىندى ماسەلە دەپ سانايمىن. ەلىمىزدە ادىلەتتىك ورناپ كەلەدى. حالىقتى قۋانتاتىن جاڭالىقتار بولۋدا. نۇر-سۇلتان اتاۋى ونوماستيكالىق زاڭدىلىقتار بويىنشا ءاۋ باستان دۇرىس قويىلماعان ەدى. ادىلەتتىك ورناعاننىڭ العاشقى بەلگىلەرى وسى. ءقازىر حالىق بالكىم، استانامىزدى الاشوردا، التىن وردا دەپ، نە بۇرىنعى اقمولا اتاۋىن قايتارسا دەگەن پىكىرلەر ايتىپ جاتىر. مەنىڭشە، رۋحىمىزدى كوتەرۋ ءۇشىن مۇنداي اتاۋلار قاجەت. بارلىعى ۋاقىت ەنشىسىندە.