قازاقستان رەسپۋبليكاسىنىڭ تاۋەلسىزدىگى – بۇل تەك مەملەكەتىمىزدىڭ ساياسي جانە ەكونوميكالىق دەربەستىگى عانا ەمەس، سونىمەن قاتار حالقىمىزدىڭ رۋحاني تىرشىلىگى، مادەنيەتى مەن باي تاريحي تاجىريبەسىءنىڭ كورىنىسى.
1991 جىل، 16 جەلتوقسان – ءاربىر قازاقتىڭ جۇرەگىندە تەرەڭ مانگە يە. بۇل كۇن – ەلىمىزدىڭ بولاشاعىنىڭ نەگىزى قالانعان، ەركىندىككە ۇمتىلعان تاۋەلسىز حالىقتىڭ تاريحىنداعى جاڭا بەلەس.
تاۋەلسىزدىك العان جىلدار – حالقىمىز ءۇشىن زور وزگەرىستەر مەن جاڭالىقتار كەزەڭى. قيىنشىلىقتارعا قاراماستان، تاۋەلسىز مەملەكەت بولۋ ءۇشىن حالىق بىرىگىپ، ىنتىماقتاستىق كورسەتتى. دەگەنمەن، تاۋەلسىزدىككە جەتۋ تەك ساياسي اسپەكتىمەن شەكتەلمەيدى، ول – ءبىزدىڭ ۇلتتىق بولمىسىمىزدى، مادەنيەتىمىزدى، ءتىلىمىزدى، ءدىنىمىزدى، ءسالت-داستۇرىمىزدى ساقتاپ دارىپتەۋءدى ودان ءارى جەتىلدىرۋ. تۋعان جەرىمىزدىڭ توپىراعىندا اتا-بابا داستۇرىمەن كەلە جاتقان قۇندىلىقتاردى ناسيحاتتاۋ ارقىلى ءبىز ءوزىمىزدىڭ تابيعي ەرەكشەلىگىمىزدى ساقتاپ قالامىز.
دەمەك، وسىنداي ورتادا تاربيەلەنگەن وسكەلەڭ ۇرپاق - وتكەن تاريحىن ءبىلىپ، ونى قۇرمەتتەپ، بولاشاقتا دا ەلىمىزدى دامىتا الاتىن ازامات رەتىندە قالىپتاسادى.
بۇگىندە ەلىمىزدىڭ جەتكەن جەتىستىكتەرى الەمگە تانىلىپ، سپورت، عىلىم، ءبىلىم، مادەنيەت سالاسىندا حالىقارالىق دەڭگەيگە جەتتى. اتاپ ايتساق، بىزدە وتكىزىلگەن ەكسپو-2017 سياقتى ءىرى شارالار قازاقستاننىڭ الەمدىك قاۋىمداستىقتا الاتىن ورنىن نىعايتۋعا زور ۇلەس قوستى.
سونىمەن قاتار، ەلىمىزدىڭ گەوساياسي جاعدايىنىڭ تۇراقتىلىعى مەن ىشكى دامۋى دا حالىقتىڭ دامۋ دەڭگەيىن كورسەتىپ وتىر. الايدا، تاۋەلسىزدىكتىڭ قۇندىلىعى – بۇل تەك جەتىستىكتەردە ەمەس، سونداي-اق قيىندىقتاردى جەڭە بىلۋىمىزدە. سىناقتار مەن توسقاۋىلدار، ەكونوميكالىق داعدارىستار بىزگە ساباق بولدى، جىگەرىمىزدى جانىدى، جانە دە حالىقتى مىقتى دا بەكەم بولۋعا، كەز كەلگەن قيىندىقتى بىرگە جەڭىپ، ورتاق ماقساتتارعا بىرگە ۇمتىلۋعا ۇيرەتتى.
تاۋەلسىزدىككە 33 جىل! بۇل – حالقىمىزدىڭ رۋحى، ءوز-وزىن تانۋ جولى. مۇنىڭ ءمانى – اڭساعان ارماندارعا جەتكىزەتىن جالىندى جول.
ەندىگى مىندەتىمىز – تاۋەلسىزدىكتى قورعاۋ، نىعايتۋ، جاستارعا ونى قادىرلەۋدى ۇيرەتۋ، ءوز ەلىمىزدىڭ تاريحىندا ءىز قالدىرىپ، جاس ۇرپاققا جاقسى داستۇرلەر مەن تاجىريبەلەر قالدىرۋ.
ەركىندىك پەن جاۋاپكەرشىلىك – بىرگە جۇرەتىن ۇعىمدار.
سوندىقتان، تاۋەلسىزدىك كۇنى – بۇل قۋانىش، ماقتانىش، ءارى جاۋاپكەرشىلىك. بۇل كۇنءى ءاربىر ازاماتتىڭ جۇرەگىندە ەلىمىزگە دەگەن سۇيىسپەنشىلىك، ءوز حالقىمىزعا دەگەن قۇرمەت، جانە ەرتەڭگى كۇنگە دەگەن سەنىم باسىم بولادى.
ياعني، تاۋەلسىزدىكتى ساقتاپ، بىرلىكتى نىعايتۋعا باعىتتالعان جاڭا باستامالاردى جۇزەگە اسىرۋدا تاباندىلىق تانىتىپ، ونى ۇرپاقتان ۇرپاققا اماناتتاپ وتىرساق، ەلىمىز دامىعان، تۇعىرى بەرىك، قۋاتتى ەلگە اينالادى.