ءىىم قوعامدا زاڭ مەن ءتارتىپتى قامتاماسىز ەتۋگە باعىتتالعان جۇمىستى بەلسەندى جالعاستىرۋدا.
ونىڭ ىشىنشە ەسىرتكى قىلمىسىنا قارسى كۇرەس قارقىندى، دەپ حابارلايدى aqshamnews.kz Polisia.kz-كە سىلتەمە جاساپ.
– ەكى اي ىشىندە رەسپۋبليكا اۋماعىندا 981 ەسىرتكى قۇقىق بۇزۋشىلىعى انىقتالدى، ونىڭ ىشىندە 219 ەسىرتكى وتكىزۋ فاكتىسى جانە 10 ەسىرتكى كونترابانداسى. ەكى ۇيىمداسقان قىلمىستىق توپتىڭ ارەكەتى جويىلدى، 12 ەسىرتكى زەرتحاناسى مەن ءتورت ەسىرتكى پريتونى تاراتىلدى. سينتەتيكالىق ەسىرتكى ساتقانى ءۇشىن 230 ادام ۇستالدى، ونىڭ ىشىندە 45 وپەراتور جانە 185 ەسىرتكى جاسىرۋشى. ەسىرتكىنى وتكىزۋگە جانە ناسيحاتتاۋعا قاتىسى بار 1560 ينتەرنەت-رەسۋرس انىقتالىپ، بۇعاتتاۋعا جولداندى. Telegram وكىلدەرىمەن ءوزارا ءىس-قيمىلدىڭ ارقاسىندا زاڭسىز كونتەنتى بار ەكى مىڭنان استام سىلتەمە جويىلدى. زاڭسىز اينالىمنان بارلىعى 5،5 توننادان استام ەسىرتكى تاركىلەندى، ونىڭ ىشىندە 76 كگ سينتەتيكا. ءۇش توننادان استام پرەكۋرسورعا زاڭدى اينالىمدا شەكتەۋ قويىلدى، – دەدى ءىىم ەسىرتكى قىلمىسىنا قارسى ءىس-قيمىل كوميتەتى ءتوراعاسىنىڭ ورىنباسارى دانيار مەيىرحان.