المالى اۋدانىنداعى №90 سايلاۋ ۋچاسكەسىنە العاشقىلاردىڭ ءبىرى بولىپ كەلگەن اۋدان تۇرعىنى ليۋدميلا كۋزمەنكو بۇگىن 83 جاسقا تولىپ وتىر.
تاياقپەن جۇرسە دە ساياسي ناۋقانعا قاتىسىپ، ءوز تاڭداۋىن جاساعان قارت «داۋىس بەرۋ – ەل ازاماتى رەتىندە باستى مىندەتىم، پارىزىم دەپ ەسەپتەيمىن. مەنىڭ دە داۋىسىم ماڭىزدى» دەيدى.
– تۋعان كۇنىمنىڭ ەلىمىز ءۇشىن اسا ماڭىزدى قادام جاسالار ساتپەن تۇسپا-تۇس كەلگەنى مەن ءۇشىن ەستە قالارلىق وقيعا بولىپ تۇر. داۋىس بەرۋ – ەل ازاماتى رەتىندە مەنىڭ باستى مىندەتىم، پارىزىم. مەنىڭ دە داۋىسىم ماڭىزدى. دۇرىس تاڭداۋ جاسادىم دەپ ويلايمىن. ەلىمىز تىنىش، بالالارىمىز امان، كەلەشەگىمىز جارقىن بولسىن! – دەيدى تۋعان كۇن يەسى.
داۋىس بەرۋشىنىڭ قۋانىشتى ءساتىن قالت جىبەرمەگەن كوميسسيا ءتوراعاسى اقمارال ماعجان قىزى تۋعان كۇن يەسىن قۇتتىقتاپ، گۇل شوقتارىن تابىس ەتتى.