بۇگىن قازاقستاندا اەس سالۋ ماسەلەسى بويىنشا رەسپۋبليكالىق رەفەرەندۋم وتۋدە. الماتى قالاسىندا 1،2 ميلليوننان استام تۇرعىن داۋىس بەرۋ قۇقىعىنا يە.
سايلاۋشىلاردىڭ اراسىندا بەلسەندى الماتىلىق جاستار ءوز ۋچاسكەلەرىنە بىرلەسىپ كەلگەن، ءوز تاڭداۋلارىن جاسادى. كەيبىر ستۋدەنتتەر باسقا سايلاۋشىلارعا كەدەرگى كەلتىرمەۋ ءۇشىن كەزەككە تۇرىپ، بىرىنەن سوڭ ءبىرى داۋىس بەردى. ولار ازاماتتىق ۇستانىمدارىن ءبىلدىرۋ ءۇشىن كەلگەن، دەپ حابارلايدى aqshamnews.kz.
ولار ءۇشىن بۇل تەك ءوز بورىشتارىن ورىنداۋ عانا ەمەس، ەلدىڭ بولاشاعىنا تىكەلەي اسەر ەتۋ مۇمكىندىگى.
«مەن ءۇشىن بۇل تەك داۋىس بەرۋ ەمەس، بۇل قازاقستاننىڭ بولاشاعى ءۇشىن جاۋاپكەرشىلىكتى سەزىنۋ. مەن اەس سالۋ – ەلىمىز ءۇشىن قاجەتتى جانە وتە ماڭىزدى قادام دەپ ەسەپتەيمىن»، – دەدى جاستاردىڭ ءبىرى.
جاستاردىڭ پىكىرىنشە، وسىنداي ساتتەردە ءاربىر داۋىس ماڭىزدى ءرول اتقارادى.
«ءبىز، جاس بۋىن، ەلىمىزدىڭ بولاشاعىنا ىقپال ەتكىمىز كەلەدى. سوندىقتان رەفەرەندۋمعا كەلىپ، ءوز پىكىرىمىزدى ءبىلدىرۋ – ءبىزدىڭ بورىشىمىز»، – دەپ ءبولىستى ستۋدەنتتەردىڭ ءبىرى. كوپشىلىگى العاش رەت رەفەرەندۋمعا قاتىسىپ، بۇل ولاردىڭ ومىرىندەگى ەرەكشە تاجىريبە بولىپ، جاۋاپكەرشىلىك سەزىمىن وياتقانىن اتاپ ءوتتى.