قازاقستاندا اتوم ەلەكتر ستانسياسىن سالۋ ماسەلەسى بويىنشا رەفەرەندۋمعا اقىن فارحات تامەنداروۆ قاتىستى. ول الماتى قالاسىنىڭ مەدەۋ اۋدانىنداعى نازاربايەۆ زياتكەرلىك مەكتەبىندە ورنالاسقان №622 سايلاۋ ۋچاسكەسىندە داۋىس بەردى.
«بۇگىن ءبىزدىڭ ەلىمىزدە رەفەرەندۋم ءوتىپ جاتىر، وندا ماڭىزدى ماسەلەلەردىڭ ءبىرى – قازاقستاندا اەس سالۋ شەشىلۋدە. رەفەرەندۋم وتكىزۋ دەموكراتيانىڭ ماڭىزدى قۇرالى دەپ سانايمىن جانە ءاربىر ازامات ءوز ۇستانىمىن بىلدىرۋگە قۇقىلى. بۇگىن مەن ماڭىزدى ماسەلەگە بەي - جاي قارامايتىن قازاقستاندىقتارمەن بىرگە سانالى جانە ازاماتتىق بورىشىمدى كورسەتىپ، ءوز تاڭداۋىمدى جاسادىم»، - دەپ اتاپ ءوتتى فارحات تامەنداروۆ.
ەستەرىڭىزگە سالا كەتەيىك، بۇگىن قازاقستاندا اەس سالۋ ماسەلەسى بويىنشا رەسپۋبليكالىق رەفەرەندۋم وتۋدە.
الماتىدا بارلىعى 624 سايلاۋ ۋچاسكەسى جۇمىس ىستەيدى، ولار 20.00-گە دەيىن اشىق بولادى.