ق ر ۇلتتىق ەكونوميكا مينيسترلىگى ازىق-تۇلىك ساتاتىن ءۇي جانىنداعى دۇكەندەردىڭ ۇستەمەنى اسىرا قوسۋى دەرەكتەرى بويىنشا تەكسەرۋ تەتىگى قالاي ىسكە اسىرىلاتىنىن ءتۇسىندىردى، دەپ حابارلايدى Almaty-akshamy.kz.
«بۇل تەكسەرۋلەر سانىنا اسەر ەتپەيدى. وسى رەتتە ۇلكەن دەرەكتەرگە تالداۋ جاساۋ ارقىلى، ياعني سيفرلىق جولمەن ىسكە اسىرىلادى. اتاپ ايتقاندا، وسىعان دەيىن فيسكالدىق ورگاندار مەن سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى جۇرگىزگەن اۋقىمدى سيفرلاندىرۋ ەلەۋلى اسەر ەتەدى»، - دەدى ۇلتتىق ەكونوميكا ءبىرىنشى ۆيسە-مينيسترى تيمۋر جاقسىلىقوۆ سەناتتا تىلشىلەر سۇراعىنا جاۋاپ بەرە وتىرىپ.
ونىڭ ايتۋىنشا، تۇبىرتەكتەر مەن شوت-فاكتۋرالارعا تالداۋ جاسالادى.
«ولاردىڭ نەگىزىندە قانداي ساۋدا سۋبەكتىسىنىڭ ۇستەمەنى اسىرا قوسىپ جاتقانى بەلگىلى بولادى. تەكسەرۋگە ەشكىم كەلمەيدى. مۇنىڭ ءبارى اۆتوماتتى تۇردە جينالادى، جۇيە ونى ەسەپتەپ، انىقتايدى»، - دەدى ۆيسە-مينيستر.