وسىعان بايلانىستى مەگاپوليستىڭ تۇرعىندارى مەن قوناقتارىنان تۇسىنىستىكپەن قاراۋدى جانە تىنىشتىقتى ساقتاۋدى سۇرايدى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە ق ر توتەنشە جاعدايلار مينيسترلىگى مەن الماتى قالاسى توتەنشە جاعدايلار دەپارتامەنتىنىڭ وكىلدەرى حابارلادى.
- 23 اقپاندا دۇنيەجۇزىلىك ازاماتتىق قورعانىس كۇنى اياسىندا ساعات 10:00-دە الماتىدا جالپى قالالىق سەيسميكالىق جاتتىعۋلار وتكىزىلەتىن بولادى.
- الماتى قالاسى توتەنشە جاعدايلار دەپارتامەنتىنىڭ باسشىسى نۇرلان اتىعايەۆ توتەنشە جاعدايلار ءمينيسترىنىڭ وكىمىمەن تجم جەدەل توبى كەلىپ، مەگاپوليس تۇرعىندارى مەن ازاماتتىق قورعانىس قىزمەتكەرلەرى اراسىندا اۋقىمدى ۇگىت-ناسيحات جۇمىستارىن باستاعانىن اتاپ ءوتتى.
سەيسميكالىق جاتتىعۋدىڭ نەگىزگى ماقساتى قالا تۇرعىندارىنىڭ توتەنشە جاعدايلاردا ىس-ارەكەتكە دايىندىق دەڭگەيىن ارتتىرۋ بولىپ تابىلادى، وسىلايشا تۇرعىندار ەۆاكۋاسيا مارشرۋتتارىن، ءقاۋىپسىز ورىنداردى الدىن الا انىقتاپ، دابىل چەموداندارىن دايىندايدى. ەلەكتر جەلىلەرى مەن عيماراتتاردان الىس اشىق الاڭدار ءقاۋىپسىز ورىندار بولىپ سانالادى.
«ازاماتتىق قورعاۋ تۋرالى» قازاقستان رەسپۋبليكاسى زاڭىنا سايكەس قالا ۇيىمدارىندا وبەكتىلىك سەيسميكالىق جاتتىعۋلار توقسان سايىن وتكىزىلەدى. وسى جىلدىڭ 1 قاڭتارىنان باستاپ جوسپارلى تۇردە 500 وقۋ-جاتتىعۋلار وتكىزىلدى، ونىڭ 191 سەيسميكالىق دايىندىق بولىپ تابىلادى. بۇل جۇمىستار جالعاسۋدا»، - دەيدى ن.اتىعايەۆ.
- جالپىقالالىق سەيميكالىق جاتتىعۋعا الدىن الا دايىندالۋ قاجەت. 21 اقپاننان باستاپ تەلەارنالار مەن راديوارنالاردا حابارلاندىرۋ باستالدى، الماتىلىقتار وقۋ-جاتتىعۋعا قاتىستى ەۆاكۋاسيالاۋ تۋرالى حابارلاناتىن وبلادى.
- سەيسميكالىق جاتتىعۋلار وتكىزىلەتىن كۇنى ساعات 10.00دە سيرەنا ەلەكتر دابىلدارىن قوسۋ ارقىلى، تەلە-، راديوارنالاردى اۆتوماتتى تۇردە قامتۋىمەن قالالىق حابارلاندىرۋ جۇيەسى ىسكە قوسىلادى.
ق ر توتەنشە جاعدايلار مينيسترلىگى توتەنشە جاعدايلاردىڭ الدىن الۋ دەپارتامەنتىنىڭ باسشىسى رۋستامبەك امرين بۇل سەيسميكالىق جاتتىعۋدىڭ رەسپۋبليكالىق ەكەنىن اتاپ ءوتتى.
«ەرتەڭ بۇكىل رەسپۋبليكا بويىنشا بارلىق جەردە وسى ءىس-شارا وتكىزىلەدى، ونىڭ اياسىندا سيرەنا سياقتى دىبىس ويناپ، ءوزىن-وزى ەۆاكۋاسيالاۋ ەلەمەنتتەرى رەتىندە سيگنال الۋ ەلەمەنتتەرى پىسىقتالاتىن بولادى. بۇل بارلىق جەردە رەسپۋبليكا بويىنشا جوسپارلى تۇردە وتەتىن بولادى. بۇل جاتتىعۋلار توقسان سايىن وتكىزىلەدى، بۇل زاڭمەن بەكىتىلگەن. توتەنشە جاعدايلار ءمينيسترىنىڭ تىكەلەي تاپسىرماسى بويىنشا ءبىز الماتى قالاسىنا كەلدىك. شىنىندا دا، سەيسميكالىق جاتتىعۋلار كەزىندە بىزدە نەگىزىنەن ءبىلىم بەرۋ، دەنساۋلىق ساقتاۋ وبەكتىلەرى، مەملەكەتتىك مەكەمەلەر جۇمىس ىستەيدى. بۇل سەيسميكالىق جاتتىعۋدا ءبىز تۇرعىن ءۇي كەشەندەرى، ميب، پيك ساناتىنا بەلسەندى كوشەمىز. ءبىز ءاربىر ازاماتقا اقپاراتتى جەتكىزۋىمىز قاجەت. ارينە، ءبىز بارلىق جاعدالاردى تۇسىنەمىز. دەگەنمەندە، تارالىپ جاتقان اقپاراتپەن تانىسىڭىز، ۆۆيەدوروليكتەردى قاراڭىز، ونداعى كەڭەستەر ەڭ الدىمەن سىزگە جانە جاقىندارىڭىزعا قاجەت»، - دەپ ءتۇسىندىردى سپيكەر.
سەيسميكالىق جاتتىعۋلاردىڭ جىلدىڭ سۋىق مەزگىلىندە وتكىزىلۋىنە بايلانىستى، تجد بارلىق ۇيىم باسشىلارىن، قالا تۇرعىندارىنان جىلى كيىنىپ ەۆاكۋاسيالانۋدى سۇرايدى.
تجم جانە تجد قىزمەتكەرلەرى بەلسەندى ازاماتتىق ۇستانىمى بار ازاماتتاردى، قوعام وكىلدەرىن بيىك تۇرعىن ءۇي كەشەندەرىنىڭ پودەزد باسقارۋشىلارىن تارتۋ بويىنشا تۇرعىن ۇيلەردى ارالاۋدى بەلسەندى جۇرگىزۋدە. قالا تۇرعىندارىنىڭ نازارىنا جەر سىلكىنىسى كەزىندەگى ءبىرىنشى كەزەكتەگى ءىس-قيمىلدار جانە دابىل دورباسىن دايىنداۋ، حالىقتى قابىلداۋ پۋنكتتەرىنە دەيىن ەۆاكۋاسيالاۋ جولدارى تۋرالى نەگىزگى ەرەجەلەر ايتىلىپ، تۇسىندىرىلۋدە. سونىمەن قاتار، ولارعا «Whatsapp» مەسسەندجەرلەرى ارقىلى تۇرعىندارعا وسى ۇسىنىستاردى تاراتۋ ۇسىنىلدى. قالادا حالىقتى قابىلداۋدىڭ بارلىق 384 پۋنكتى ءىس جۇزىندە جۇمىس ىستەيتىن بولادى.
قۇتقارۋشىلار الماتى قالاسىنىڭ تۇرعىندارى مەن قوناقتارىن بەلسەندى قاتىسۋعا شاقىرادى.
ەستەرىڭىزگە سالا كەتەيىك، الماتى 9-10 بالدىق سەيسميكالىق ايماقتا ورنالاسقان. قالادا جىل سايىن 200-گە دەيىن ءالسىز، سەزىلمەيتىن جەر سىلكىنىسى بولادى. بۇل رەتتە 2-دەن 4 باللعا دەيىنگى جەر سىلكىنىسى الماتى ءۇشىن فوندىق رەجيم بولىپ تابىلادى.
«سەيسمولوگيالىق زەرتتەۋلەر مەن باقىلاۋلار ۇلتتىق عىلىمي ورتالىعىنىڭ بولجامدى كوميسسياسىنىڭ مالىمەتتەرى بويىنشا قالادا 7 جانە ودان دا كوپ بالدىق جەر سىلكىنىسى كۇتىلمەيدى. سوندىقتان وتكىزىلەتىن قالالىق سەيسميكالىق جاتتىعۋلار جەر سىلكىنىسى بولۋى مۇمكىن دەگەن بولجاممەن بايلانىستى ەمەس»، - دەپ قورىتىندىلادى تجد-دا.