استانا مەديسينا ۋنيۆەرسيتەتىندە «تراۆماتولوگيا مەن ورتوپەدياداعى يننوۆاسيالار» اتتى حالىقارالىق عىلىمي-پراكتيكالىق كونفەرەنسيا ءوز جۇمىسىن باستادى
بۇگىنگى تاڭدا ەلىمىزدەگى تراۆماتولوگيا جانە ورتوپەديا سالاسى عىلىمي زەرتتەۋلەردىڭ كەڭ سپەكترىن جۇزەگە اسىرۋدا، جاڭا مەديسينالىق تەحنولوگيالار بەلسەندى تۇردە ازىرلەنۋدە جانە ەنگىزىلۋدە، دەپ حابارلايدى Almaty-akshamy.kz.
كونفەرەنسيا تراۆماتولوگيا جانە ورتوپەديا سالاسىنداعى وتاندىق جانە شەتەلدىك مامانداردى، سونداي-اق ساباقتاس ماماندىقتاردىڭ كەڭ سپەكترىن بىرىكتىردى. ءىس-شارا بارىسىندا تىرەك-قيمىل اپپاراتىنىڭ زاقىمدانۋى مەن اۋرۋلارىن دياگنوستيكالاۋ جانە ەمدەۋ، سونداي-اق مەديسينالىق مەكەمەلەردىڭ پراكتيكاسىنا يننوۆاسيالاردى ەنگىزۋ ماسەلەلەرىن تالقىلاۋ جوسپارلانۋدا.
باعدارلامادا رەسەي، جۇڭگو، تۇركيا، گەرمانيا، ءۇندىستان، ءباا جانە وزبەكستان ساراپشىلارىنىڭ كۇردەلى وپەراسيالارىن تالدايتىن ماستەر-كلاستارى جوسپارلانعان.
قازاقستان رەسپۋبليكاسىنىڭ دەنساۋلىق ساقتاۋ ءمينيسترى اجار عينيات ءوزىنىڭ قۇتتىقتاۋ سوزىندە مەملەكەت باسشىسى ساياساتىنىڭ ارقاسىندا وتاندىق دەنساۋلىق ساقتاۋ سالاسى ءوز دامۋىندا سەرپىلىس جاساي العانىن، بۇل قازاقستاندىقتاردىڭ ءومىر ءسۇرۋ ساپاسىنا وڭ اسەر ەتكەنىن اتاپ ءوتتى.
«ەلىمىزدە ەكونوميكالىق ءال-اۋقاتتىڭ وسۋىمەن تىكەلەي بايلانىستى دەنساۋلىق ساقتاۋ سالاسىنىڭ جوسپارلى دامۋى بايقالادى. جوعارى تەحنولوگيالاردى، الەمدىك جەتىستىكتەردى جوسپارلى پايدالانۋدى جەدەلدەتۋ، دارىگەرلىك كادرلاردى دايارلاۋ جانە ولاردىڭ بىلىكتىلىگىن ارتتىرۋ، تىرەك-قيمىل اپپاراتىنىڭ زاقىمدانۋى مەن اۋرۋلارى كەزىندە دياگنوستيكا مەن ەمدەۋدىڭ جاڭا تەحنولوگيالارىن بەلسەندى ەنگىزۋ ماڭىزدى»، - دەپ اتاپ ءوتتى مينيستر ءوز سوزىندە.
كونفەرەنسيا مەديسينا عىلىمدارىنىڭ دوكتورى، پروفەسسور، قازاقستان رەسپۋبليكاسى جاراتىلىستانۋ عىلىمدارى اكادەمياسىنىڭ تولىق مۇشەسى، عىلىمعا قوسقان زور ۇلەسى ءۇشىن ءال-فارابي كۇمىس مەدالىنىڭ لاۋرەاتى الىبەك جانپەيىس ۇلى ءابدىراحمانوۆتىڭ 80 جىلدىعىنا ورايلاستىرىلعان.
كونفەرەنسيا شەڭبەرىندە دەنساۋلىق ساقتاۋ ءمينيسترى اجار عينيات پروفەسسور ءابدىراحمانوۆقا اكادەميك ن. ج. باتپەنوۆ اتاعىن تراۆماتولوگيا جانە ورتوپەديا ۇلتتىق عىلىمي ورتالىعىنىڭ قۇرمەتتى پروفەسسورى اتاعىن تابىس ەتتى.