الماتىدا تۇرعىندارعا قىزمەت كورسەتۋ ساپاسى مەن جايلىلىعىن ارتتىرۋ ءۇشىن وقۋ جىلى باستالعانعا دەيىن مارشرۋتقا 100 جاڭا اۆتوبۋس شىعادى. قازىرگى ۋاقىتتا قالالىق اۆتوپارك 30 اۆتوبۋسپەن تولىقتى، قالعان 70ء-ى جاقىن ارادا كەلەدى، دەپ حابارلايدى almaty-akshamy.kz
بۇل اۆتوبۋستار ەسەبىنەن جىلجىمالى قۇرام №37، 38، 38ا جانە 201 مارشرۋتتاردا جاڭارتىلادى. ءارى №24، 125، 131 مارشرۋتتارعا اۆتوبۋستار قوسىلادى، ياعني قولدانىستاعى مارشرۋتتار جاڭا اۆتوبۋستارمەن تولىعادى.
بۇعان دەيىن مەگاپوليس اكىمى ەربولات دوسايەۆ حالىقپەن كەزدەسۋلەردە 2023 جىلى الماتىدا قوسىمشا 600 جاڭا اۆتوبۋس ساتىپ الىناتىنىن حابارلاعان.
«قوعامدىق كولىكتى دامىتۋ ءبىز ءۇشىن باستى باسىمدىقتاردىڭ ءبىرى. حالىقتىڭ شاعىمىنىڭ دەنى قوعامدىق كولىك جۇمىسىنىڭ ساپاسىنا، اتاپ ايتقاندا كەيبىر قولدانىستاعى مارشرۋتتاردىڭ جايسىزدىعىنا جانە جوسپارلى قوزعالىس ارالىعىن ساقتاماۋعا قاتىستى. سوندىقتان ءبىز بۇل ماسەلەلەردى شەشۋدى قولعا الىپ جاتىرمىز»، - دەدى اكىم.
قالعان 500 اۆتوبۋستى ساتىپ الۋعا شارت جاسالدى.
الماتىدا بارلىعى 2000-نان استام اۆتوبۋس، 163 مارشرۋت، 24 تاسىمالداۋشى جۇمىس ىستەيدى.