«Shymbulak Medeu Camp» بالالار تاۋ لاگەرى جۇمىسىن باستادى. لاگەر بالالارعا الماتىنىڭ كەرەمەت تاۋلارىندا ۇمىتىلماس وقيعالاردى باستان كەشىرۋگە مۇمكىندىك بەرەدى.
- جوبانىڭ ماقساتى بالالاردا تابيعاتقا دەگەن سۇيىسپەنشىلىك مەن قۇرمەتتى تاربيەلەۋ، ولارعا اشىق اۋادا بولۋ ءۇشىن قاجەتتى داعدىلاردى ۇيرەتۋ، سونداي-اق كوماندادا جۇمىس ىستەۋ، كوشباسشىلىق، قۇرمەت جانە جاۋاپكەرشىلىك سياقتى قاسيەتتەردى دامىتۋ بولىپ تابىلادى. ءبىز ءار بالانىڭ ءتۇرلى باعدارلامالار مەن بەلسەندىلىكتەردى ۇسىنا وتىرىپ، فيزيكالىق، ينتەللەكتۋالدىق جانە مورالدىق الەۋەتىن دامىتۋعا ۇمتىلامىز، دەيدى جوبا جەتەكشىلەرى.
لاگەردە ءجاسوسپىرىم سكاۋتتار تۇراتىن 11 جايلى ءۇي، 2 اكىمشىلىك ءۇي، بالالارعا ارنالعان اسحانا جانە وتباسىلىق مەيرامحانا بار. سونىمەن ساباق وقۋعا جانە ۋاقىتتى قىزىقتى وتكىزۋ ءۇشىن ارنايى جابدىقتالعان الاڭدار دا بار.
لاگەر باعدارلاماسى اياسىندا جاياۋ ساپارلار، كوماندالىق ويىندار، زوولوگيا ينستيتۋتىنىڭ، الپينيزم فەدەراسياسىنىڭ، ۇلتتىق پاركتەردىڭ جانە باسقا دا ۇيىمداردىڭ قاتىسۋىمەن ءبىلىم بەرۋ دارىستەرى ۇسىنىلادى. بالالار جابايى تابيعاتتا، ۇلتتىق مادەنيەتتى ۇيرەنىپ، وزدەرىنىڭ كوركەمدىك قابىلەتتەرىن دامىتاتىن بولادى.
لاگەر تابيعات الەمىنە جولسەرىك بولىپ، ادامدار ءۇشىن نەگىزگى جانە ماڭىزدى ءبىلىم الىپ، قورشاعان ورتاعا دۇرىس كوزقاراس قالىپتاستىرۋى ءۇشىن ەسىكتەرىن اشىپ، «Leave no trace» فيلوسوفياسىن ۇستاناىپ، تابيعاتتى ساقتاۋ قاعيدالارىن ساقتاي وتىرىپ، اركىمدى وسى الەمنىڭ ءبىر بولىگى بولۋعا شاقىرادى.-
- ءبىز سىزدەرمەن «تابيعات جانە ادام» دەپارتامەنتى جۇزەگە اسىراتىن ەكى الەۋمەتتىك جوبا تۋرالى بولىسكىمىز كەلەدى. «Shymbulak Outdoor Meetings» جوباسى تابيعي ايماقتارداعى دەمالىس قاۋىپسىزدىگىن دامىتۋعا، تۋريزم سالاسىنداعى ادامداردىڭ كاسىبي دەڭگەيىن ارتتىرۋعا، سونداي-اق جاياۋ ءتۋريزمدى، ءالپينيزمدى جانە تابيعي ورتاداعى باسقا دا سپورت تۇرلەرىن دامىتۋعا باعىتتالعان، - دەيدى جوبا جەتەكشىلەرى.
سونداي-اق، "MOUNTAIN OPEN SOUL" جوباسى قايىرىمدىلىق جانە الەۋمەتتىك باستامالارعا اشىق جانە بالالار مەن ەرەسەكتەردى تاۋ مادەنيەتىنە باۋلۋعا، سونداي-اق ەرەكشە قاجەتتىلىكتەرى بار بالالار مەن حالىقتىڭ الەۋمەتتىك وسال توپتارىنىڭ اراسىندا بەيىمدەلگەن دەنە شىنىقتىرۋدى دامىتۋعا باعىتتالعان. ال «ءرۋلسىز كۇن» اتتى جوبادا - الماتى قالاسىنىڭ باستى ەكولوگيالىق ماسەلەسىن شەشۋگە قالا تۇرعىندارىن تارتۋ جانە ەكو-بەلسەندىلىكتى قولداۋ جونىندەگى باستاما ۇسىنىلعان.
تابيعات جاناشىرلارى ءار جەكسەنبىدە اۆتوكولىكسىز، قوعامدىق كولىككە ءمىنىپ، تابيعاتتى قورعاۋعا شاقىرادى.