بۇل باعداردى ودان ءارى دامىتۋ تۋرالى بىرلەسكەن دەكلاراسياعا قول قويىلدى.
قازاقستان ۇكىمەتى جانىنداعى داعدارىسقا قارسى شارالار جونىندەگى جەدەل شتاب وتىرىسىندا يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ ترانسكاسپيي حالىقارالىق كولىك باعدارىن دامىتۋ بويىنشا جۇرگىزىلىپ جاتقان جۇمىستار تۋرالى ايتتى، دەپ حابارلايدى Almaty-akshamy.kz.
ق ر ييدم باسشىسى ترانسكاسپيي حالىقارالىق كولىك باعدارىن (تحكب) دامىتۋ ماسەلەسى مينيسترلىكتىڭ تۇراقتى باقىلاۋىندا ەكەنىن اتاپ كورسەتتى. ءقازىر ونىڭ الەۋەتىن ارتتىرۋ بويىنشا بەلسەندى جۇمىستار جۇرگىزىلىپ جاتىر.
«2022 جىلى بۇل باعىتتا 30 مىڭنان استام جفە تاسىمالداۋ بەكىتىلگەن. قازىرگى جاعدايدى ەسكەرە وتىرىپ، ول 2 ەسە ۇلعايۋى مۇمكىن. قازاقستاندىق ەكسپورتتاۋشىلار بيىل تحكب-گە باسقا باعىتتاردان 2 ملن تونناعا دەيىن جۇك جونەلتۋدى جوسپارلاپ وتىر. ونىڭ ىشىندە مۇناي ونىمدەرى، مەتالل ونىمدەرى جانە كومىر بار. ءتيىستى كولەمدى 4 ملن تونناعا دەيىن ارتتىرۋعا بولادى»، - دەدى مينيستر.
قايىربەك وسكەنبايەۆتىڭ ايتۋىنشا، تحبك بويىنشا ەكى باعىتتا 10 ملن تونناعا دەيىن، ونىڭ ىشىندە 200 مىڭ كونتەينەرگە دەيىن تاسىمالداۋعا بولادى. ولار: اقتاۋ/قۇرىق – باكۋ(اليات) – ءازىربايجان تەمىرجولدارى – گرۋزيا تەمىرجولدارى - باتۋمي/پوتي پورتى جانە ءارى قاراي قارا تەڭىزدەگى ۆارنا/بۋرگاس (بولگاريا) نەمەسە كونستانساعا (رۋمىنيا)؛
اقتاۋ/قۇرىك – باكۋ (اليات) – ءازىربايجان تەمىرجولدارى – گرۋزيا تەمىرجولدارى (باكۋ-تبيليسي-كارس باعىتى) – تۇركيانىڭ قارا تەڭىزدەگى جانە جەرورتا تەڭىزدەگى پورتتارى ارقىلى.
سونداي-اق، مينيستر بولجانعان كولەمدى تاسىمالداۋ ءۇشىن 2022 جىلعى 9-10 ناۋرىزدا ق ر ييدم ءازىربايجاننىڭ سيفرلىق دامۋ جانە كولىك مينيسترلىگىنىڭ جانە گرۋزيانىڭ ەكونوميكا جانە تۇراقتى دامۋ مينيسترلىگىنىڭ وكىلدەرىمەن كەزدەسۋلەر وتكىزگەنىن حابارلادى.
باكۋ قالاسىندا مۇددەلى مينيسترلىكتەر ترانسكاسپيي حالىقارالىق كولىك باعىتى بويىنشا 2022 جىلعا ارنالعان تاسىمال جوسپارىن تالقىلاپ، اۆتوموبيلمەن ورىندالاتىن جۇك تاسىمالدارىن دامىتۋ جانە تحكب دامىتۋ ءۇشىن بىرلەسكەن كاسىپورىن قۇرۋ تۋرالى ۋاعدالاستى. بىرلەسكەن كاسىپورىن تاريف بەلگىلەۋ جانە جۇكتەردى دەكلاراسيالاۋ ماسەلەلەرىن شەشۋگە، ءبىرىڭعاي IT شەشىمدەر قولدانۋعا جانە اتالعان باعىتتا ترانزيت جۇكتەردى شوعىرلاندىرۋعا مۇمكىندىك بەرەدى. سونداي-اق، ۋاعدالاستىقتى ىسكە اسىرۋ ءۇشىن ارنايى جۇمىس توبىن قۇرۋ تۋرالى شەشىم قابىلداندى.
«تبيليسي قالاسىندا وتكەن كەزدەسۋدە گرۋزيا تاراپى تحكب-نى ىلگەرىلەتۋ ءۇشىن بىرلەسكەن لوگيستيكالىق كومپانيا قۇرۋ جونىندەگى قازاقستاندىق باستامانى قولدادى. كەزدەسۋ قورىتىندىسىندا بۇل باعداردى ودان ءارى دامىتۋ تۋرالى بىرلەسكەن دەكلاراسياعا قول قويىلدى»، - دەلىنگەن مينيسترلىكتىڭ باسپا ءسوز قىزمەتىنىڭ حابارلاماسىندا.