ۋكراينادا ەلىمىزدىڭ ازاماتتارىنا تيەسىلى 1 457 جۇك ۆاگونى تۇر
11 ناۋرىزداعى جاعداي بويىنشا ۋكراينادان قازاقستاندىق مەنشىك يەلەرىنە تيەسىلى 57 جۇك اۆتوكولىگىنىڭ 49-ى شىقتى. ييدم مالىمەتىنشە، بۇل ەلدىڭ اۋماعىندا 8 جۇك كولىگى، ونىڭ ىشىندە ۋكرايندىق جۇرگىزۋشىلەرى بار قازاقستاننىڭ 4 جۇك كولىگى قالىپ وتىر، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
سونىمەن قاتار، ۋكراينادا ەلىمىزدىڭ ازاماتتارىنا تيەسىلى 1 457 جۇك ۆاگونى تۇر. ولاردى باسقا باعىتتارعا جىبەرۋ جۇمىستارى جالعاسۋدا.
حالىقارالىق تاسىمالداردا تۋىنداعان ماسەلەلەر بويىنشا جەدەل ارەكەت ەتۋ ءۇشىن ق ر ييدم، «قازاقستان تەمىر جولى» ۇك» اق جانە ەلىمىزدىڭ تەڭىز پورتتارى جانىنان «جەدەل جەلىلەر» اشىلدى. مۇددەلى تاراپتارمەن كەلىسسوزدەر جۇرگىزىلىپ جاتىر.
"اقتاۋ جانە قۇرىق تەڭىز پورتتارى قالىپتى رەجيمدە جۇمىس ىستەپ تۇر. جۇكتەر بوگەلىپ جاتقان جوق"، – دەلىنگەن مينيسترلىكتىڭ حابارلاماسىندا.