24 قاراشا كۇنى ساعات 19:00-دە «ترانسفورما» تەاتر كەڭىستىگى جەتى جىلدىق مەرەيتويىنا وراي «حيت» قويىلىمىن ماركوۆ كوشەسى 44 جاڭا مەكەنجايىندا ساحنالايدى.
«ترانسفورما» مادەني كەڭىستىگى ءوزىنىڭ سەگىزىنشى تەاتر ماۋسىمىن اشىپ، شىعارماشىلىق يندۋستريالاردى دامىتۋ جونىندەگى جەتەكشى قالالىق باستاما – Almaty Creative-پەن ىنتىماقتاستىقتىڭ ارقاسىندا مۇمكىندىكتەرى مەن گەوگرافيانى كەڭەيتپەك.
«مۇنداي ىنتىماقتاستىق تاۋەلسىز تەاتر مەن مەملەكەتتىك سەكتوردىڭ ءوزارا ءىس-قيمىلىنىڭ ماڭىزدى پرەسەدەنتى بولىپ تابىلادى. بۇل الماتى تۇرعىندارى مەن قوناقتارىن شابىتتاندىراتىن بىرەگەي مادەني جانە ءبىلىم بەرۋ باعدارلامالارى ءۇشىن پلاتفورما قۇرا وتىرىپ، ەكى ۇيىمنىڭ رەسۋرستارى مەن قۇزىرەتتەرىن بىرىكتىرۋگە مۇمكىندىك بەرەدى»، – دەدى «ترانسفورما» تەاترىنىڭ ديرەكتورى اننا سۋۆوروۆا.
Almaty Creative باس ديرەكتورىنىڭ م.ا. باقىت ەلۋبايەۆا ىنتىماقتاستىق قالالىق شىعارماشىلىق ورتانى دامىتۋعا باعىتتالعانىن اتاپ ءوتتى.
«ءبىز مادەني باستامالاردى قولداۋعا جانە تاۋەلسىز تەاترلاردىڭ جوبالارىن جاڭا دەڭگەيگە كوتەرۋگە، ولاردى كەڭ اۋديتورياعا قولجەتىمدى ەتۋگە تىرىسامىز. Almaty Creative Hub – بۇل تۇرعىندار باتىل جانە ماعىنالى جوبالاردى جۇزەگە اسىرا الاتىن ەكسپەريمەنتتەر مەن ىنتىماقتاستىققا ارنالعان الاڭ»، ― دەدى ول.
تەاتردىڭ رەپەرتۋارىندا ايدىڭ سوڭىندا يمپروۆيزاسيالىق سپەكتاكل كورسەتۋ جانە اكتەرلىك شەبەرلىك كۋرسىن باستاۋ جوسپارلانعان.