الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا «دەمەۋ» الەۋمەتتىك قىزمەتتەر ورتالىعىنىڭ 60 جىلدىعىنا ارنالعان بريفينگ ءوتتى.
بۇل تەك قالاداعى عانا ەمەس، جالپى قازاقستانداعى وسىنداي مەكەمەلەردىڭ العاشقىلارىنىڭ ءبىرى. 1964 جىلى قۇرىلعان ورتالىق بۇگىندە قيىن ومىرلىك جاعدايعا تاپ بولعان ادامدارعا الەۋمەتتىك قىزمەتتەر مەن قولداۋ كورسەتەدى، دەپ حابارلايدى aqshamnews.kz.
ۇلى وتان سوعىسىنىڭ ارداگەرلەرى مەن قاتىسۋشىلارىنا ارنالعان قارتتار ءۇيى رەتىندە اشىلعاننان بەرى مەكەمە قىزمەت كورسەتۋ اياسىن وزگەرتۋ مەن كەڭەيتۋدىڭ ۇزاق جولىنان ءوتتى. 1974 جىلى ول قارتتار مەن مۇگەدەكتەرگە ارنالعان ينتەرنات ءۇيى دەپ اتالا باستادى، ال 2002 جىلدان باستاپ پسيحونيەۆرولوگيالىق اۋرۋلارى بار ادامدارعا مامانداندىرىلعان كومەك كورسەتە باستادى. بۇگىنگى تاڭدا «دەمەۋ» قاراماعىنداعى 700-دەن استام ادامعا كەشەندى الەۋمەتتىك قىزمەت كورسەتۋ ارقىلى قامقورلىق كورسەتۋ ءداستۇرىن جالعاستىرۋدا.
«دەمەۋ» الەۋمەتتىك قىزمەتتەر ورتالىعى ءارقاشان ءوز تۇرعىندارى ءۇشىن قولايلى جاعداي جاساۋعا جانە ولارعا جوعارى ساپالى قىزمەت كورسەتۋگە باسىمدىق بەردى. وسى جىلدار ىشىندە ونداعان مىڭ ادام قولداۋ مەن كومەك تاپتى»، — دەدى ورتالىق ديرەكتورى دانيپا يسكاكوۆا.
ورتالىقتا پاللياتيۆتىك كومەك بولىمشەسىن قوسا العاندا، جەتى بولىمشە جۇمىس ىستەيدى، وندا قامقورشىلارعا مەديسينالىق كومەكتىڭ كەڭ سپەكترى ۇسىنىلادى: مۇندا دارىگەردىڭ تاعايىنداۋىنا سايكەس مەديسينالىق-الەۋمەتتىك تەكسەرۋلەر، دارىگەرگە دەيىنگى كومەك، وڭالتۋ ءىس-شارالارى جانە مەديسينالىق پروسەدۋرالار جۇرگىزىلەدى. ورتالىق جوعارى ساناتتى ماماندار جۇمىس ىستەيتىن ەمدەۋ كابينەتتەرىمەن، ستوماتولوگيالىق جانە فيزيوتەراپيالىق كابينەتتەرمەن، ەدش كابينەتىمەن جانە ماسساج كابينەتىمەن جابدىقتالعان. سونىمەن قاتار، الەۋمەتتىك-تۇرمىستىق، پسيحولوگيالىق جانە مادەني قىزمەتتەر ۇسىنىلادى.
ورتالىقتا الەۋمەتتىك قىزمەت كورسەتۋ جۇيەسىن جاڭعىرتۋ شەڭبەرىندە قۇرىلعان جانە قالانىڭ ەڭ ۇزدىك الەۋمەتتىك جوبالارىنىڭ بىرىنە اينالعان دەربەس تۇراتىن ءۇي جۇمىس ىستەيدى. ۇيدە جۇمىسپەن قامتىلعان جانە ءوز بەتىنشە ءومىر سۇرەتىن 15 ادام تۇرادى؛ ونىڭ تاجىريبەسىن قازاقستان مەن كورشى ەلدەردىڭ ماماندارى قابىلدادى. سونىمەن قاتار، ورتالىقتا ءۇي جاعدايىنا جاقىن سىيىمدىلىعى جاعىنان شاعىن ەكى ءۇي جۇمىس ىستەيدى.
ورتالىقتا كونسەرتتەر، كينوسەانستار جانە ۇيىرمەلەردەگى ساباقتاردى قوسا العاندا، بوس ۋاقىت ءىس-شارالارى وتكىزىلەدى، بۇل الەۋمەتتىك ينتەگراسياعا جانە بەلسەندىلىكتى ساقتاۋعا ىقپال ەتەدى. مۇندا سپورتقا دا ەرەكشە كوڭىل بولىنەدى. وسىلايشا، ورتالىق قامقورىنا الىنعاندار Special Olympics قوزعالىسىنا جانە قالالىق مارافوندارعا بەلسەنە قاتىسادى.
«ءبىز ءاربىر قىزمەت الۋشىنىڭ ءوزىن قوعامنىڭ تولىققاندى مۇشەسى رەتىندە سەزىنۋى ءۇشىن بارىمىزدى سالامىز. ءبىزدىڭ قامقورلىعىمىزداعى جاندار رەسپۋبليكالىق جانە حالىقارالىق جارىستارعا قاتىسادى. سونداي جارىستاردىڭ بىرىندە ورتالىق كومانداسى شاعىن فۋتبولدان وتكەن تۋرنيردە جۇلدەلى ورىنعا يە بولعان. سونداي-اق، ورتالىقتىڭ 15 قىزمەت الۋشىسى استانا قالاسىندا وتكەن «اسىل جۇرەك» رەسپۋبليكالىق فەستيۆالىنە قاتىسىپ، 1 ورىنعا يە بولدى»، - دەدى د.يسكاكوۆا.
سونىمەن قاتار، ورتالىقتىڭ قىزمەتكەرلەرى، سونىڭ ىشىندە مەدبيكەلەر، شەتەلدە بىلىمدەرىن تولىقتىرىپ، ۇنەمى بىلىكتىلىكتەرىن ارتتىرىپ وتىرادى.
بۇگىنگى تاڭدا ورتالىقتا قامقورلىعىنا الىنعان 704 ادام تۇرادى، ونىڭ ىشىندە 389 ەر ادام، 315ء-ى ايەل، 202ء-سى زەينەت جاسىنداعى ادامدار.