ق ر پرەزيدەنتىنىڭ كومەكشىسى – باسپا ءسوز حاتشىسى رۋسلان جەلدىباي مالىمدەۋىنشە، اقش پرەزيدەنتى دونالد ترامپ قازاقستان پرەزيدەنتى قاسىم-جومارت توقايەۆتى جانە قازاقستاندى الەم كەڭەسىنە شاقىردى، دەپ حابارلايدى aqshamnews.kz
رۋسلان جەلدىبايدىڭ ايتۋىنشا، پرەزيدەنت دونالد ترامپتان مەملەكەت باسشىسىنىڭ اتىنا رەسمي شاقىرۋ كەلىپ ءتۇستى. بۇعان دەيىن ءبىرقاتار ەلدىڭ باسشىلارى مۇنداي شاقىرۋ العانىن مالىمدەگەن ەدى.
"قاسىم-جومارت توقايەۆ دۇنيە ءجۇزى كوشباسشىلارىنىڭ اراسىندا العاشقىلاردىڭ ءبىرى بولىپ الەم كەڭەسى قۇرامىنا كىرۋگە، ال ەلىمىز اتالعان ۇيىمنىڭ قۇرىلتايشىلارىنىڭ ءبىرى بولۋعا رەسمي شاقىرۋ الدى. مەملەكەت باسشىسى اقش پرەزيدەنتىنە حات جولداپ، شىنايى ريزاشىلىعىن ءبىلدىردى جانە جاڭا بىرلەستىكتىڭ قۇرامىنا ەنۋگە كەلىسەتىنىن جەتكىزد"، – دەپ حابارلادى پرەزيدەنتتىڭ كومەكشىسى.
سونىمەن قاتار، رۋسلان جەلدىبايدىڭ ايتۋىنشا، پرەزيدەنت قاسىم-جومارت توقايەۆ قازاقستاننىڭ تاياۋ شىعىستا بەيبىتشىلىككە قول جەتكىزۋگە، مەملەكەتارالىق سەنىم مەن جاھاندىق تۇراقتىلىقتى بەكىتۋگە ۇلەس قوسۋعا نيەتتى ەكەنىن راستادى.