Toyota Motor كومپانياسى 2026 جىلعا قاراي ەۋروپادا ەلەكتر كولىكتەرىنىڭ لەگىن ارتتىرۋدى قۇپ كورىپ وتىر.
كومپانيا مۇنداي كولىكتەردىڭ 6 مودەلىن شىعارماقشى. Toyota سول كەزدە ەلەكتر كولىكتەرى ايماقتاعى جاڭا اۆتوموبيل ساتىلىمىنىڭ 20%-دان استامىن ەنشىلەيدى دەپ جورامالدايتىنىن مالىمدەدى، دەپ حابارلايدى اlmaty-akshamy.kz.
الەمدەگى ەڭ ءىرى ءاۆتووندىرۋشى ءوز مالىمدەمەسىندە 2026 جىلعا قاراي ەۋروپادا جىل سايىن 250 000-نان استام ەلەكتر كولىگىن ساتۋدى جوسپارلاپ وتىر. كومپانيا ەۋروپادا ساتىلىمعا شىققان EV جانە وتكەن جىلى جاريا ەتكەن شاعىن سپورتتىق كولىككە (جول تالعامايتىن) قوسا، ايماقتا وسى ونجىلدىقتا ساتۋدى جوسپارلاپ وتىرعان مودەلدەردىڭ ەكى جاڭا كونسەپسياسىن جۇرتشىلىققا تانىستىردى.