وعان 4،5 جىل جازا تاعايىندالدى.
سوتتالۋشى ولاردى ەلەكترونيكا دۇكەندەرىنىڭ ءبىرىنىڭ فيليالدارىنان تاۋارلىق نەسيە الۋعا كوندىرگەن، دەپ حابارلايدى Almaty-akshamy.kz
34 جاستاعى الاياقتىقتىڭ قۇربانى بولعانداردىڭ قاتارىندا تاراز، تۇركىستان وبلىسى جانە شىمكەنتتىڭ 53 تۇرعىنى بار.
قارىزدى تولەمەۋگە بولاتىنىن جەتكىزگەن ول بۇل ساۋدا نۇكتەلەرى جاقىن ارادا جۇمىسىن توقتاتىپ، تولىعىمەن جابىلادى دەپ سەندىرگەن.
نەسيەگە راسىمدەلگەن ەلەكترونيكانى افەريست ايەل قۇرباندارىنان جارتى سوماسىنا ساتىپ الىپ وتىرعان. الاياققا ۇرىنعانىن سەنگىش ازاماتتار اي سايىنعى تولەم تۋرالى ەسكەرتۋ-حابارلاما تۇسكەن كەزدە ءبىر-اق بىلگەن.
بۇل جايت بويىنشا پوليسەيلەر قىلمىستىق كودەكستىڭ 190-بابىمەن سوتقا دەيىنگى تەرگەۋ جۇرگىزدى. ۇستالعان ازاماتشانىڭ كىناسىن دالەلدەيتىن ايعاقتاردى جيناپ، تەرگەۋشىلەر قىلمىستىق ءىستى سوتقا جىبەردى.
سوت ۇكىمىمەن وعان 4،5 جىلعا باس بوستاندىعىنان ايىرۋ جازاسى تاعايىندالدى.